• Id: 26596
  • Area: News (code:800)
  • Kind: Sport front (code:700012)
  • Hide from news list: True (code:1)

Sinxron üzgüçülük

32nd LEN European Swimming Championships 2014 - Day 6
Sinxron Üzgüçülük
Su idmanı Bakı 2015 Avropa Oyunları proqramında olan ən məşhur və həyəcan verici idman növlərindən biridir.

Ondoqquzuncu əsrin axırlarında su baletindən yaranmış sinxron üzgüçülük müasir formaya düşənə qədər uzun yol keçmişdir. Həm yaraşıqlı görünmək, həm də suyun üzündə qalaraq hamılıqla musiqinin ritmi ilə ayaqlaşmaq bacarığı çox vaxt nəfəsi saxlamaqla bir mil məsafəyə qaçmaq üçün tələb olunan fiziki yükə bənzədilir. Güclərini, atletizmi və bacarıqlarını nümayiş etdirmək üçün idmançılardan xüsusi musiqi hissiyyatı və istedad tələb olunur.

Müasir sinxron üzgüçülük növü daha çox Avstraliyalı idmançı Annett Kellermanın Nyu York Hippodromunda şüşə çən içərisində ifa etdiyi sualtı nümayişlər sayəsində geniş populyarlıq tapmışdır. Tezliklə bu idman növünün populyarlığı artmağa başladı. İlk sinxron üzgüçülük yarışları 1930-cu illərdə keçirilməyə başladı və 1984-cü ildə isə Los Ancelesdə ilk olimpiya başlanğıcını etdi.

Dünya miqyasında bu idman növündə Avropa ölkələrinin komandaları daha güclü olmaqla daim qələbə qazanırlar. 2014-cü ildə Helsinkidə gənclər arasında sinxron üzgüçülük üzrə keçirilmiş Dünya Çempionatında Rusiya komandası yarışların dörd növündə üç qızıl və bir gümüş medal qazandı. 

Sinxron üzgüçülük yarışları 2015-ci il 12 iyun tarixindən başlayaraq dörd medal dəsti uğrunda yeni istifadəyə verilmiş Bakı Su İdmanı Mərkəzində keçiriləcək. Bakıda 5 gün davam edəcək yarışlarda öz istedadlarını nümayiş etdirmək və qızıl medallar uğrunda mübarizə aparmaq üçün 150 gənc idmançı çıxış edəcək. Medallar uğrunda yarışlar fərdi, duet, komanda və sərbəst kombinasiya növləri üzrə keçiriləcək.

 

TƏSNİFAT

Sinxron üzgüçülük üzrə təsnifat yerləri son iki dəfə keçirilmiş Avropa Gənclər Sinxron Üzgüçülük Çempionatlarına, təsnifat yarışına, yerli MOK üçün ayrılan yerlərə və universallıq prinsiplərinə əsasən müəyyənləşdiriləcək. 

 

Medal uğrunda yarışlar

Qadınlar
Fərdi
Duet
Komanda
Sərbəst kombinasiya

 

Faktlar və rəqəmlər

  • Sinxron üzmə hərəkətlərinin təxminən üçdə ikisi su altında ifa edilir – bu o deməkdir ki, idmançılar hər çıxışda ümumilikdə üç dəqiqəyə qədər nəfəslərini saxlamalıdırlar.
  • Gənclər arasında keçirilmiş üç Avropa Çempionatında (2009, 2011, 2013) Rusiya idmançıları liderlik edərək fərdi, duet, komanda və qarışıq üzmə növlərinin hamısında qızıl medal qazanmışlar; bununla onlar sinxron üzgüçülükdə özlərinin inkaredilməz qüvvə olduqlarını göstərmişlər. 
  • Yarış müddətində sinxron üzgüçülər saçlarını lazımi vəziyyətdə saxlamaq üçün jelatindən istifadə edirlər.  Onlar həmçinin çimərlik kostyumlarını çıxışın musiqisinə və mövzusuna uyğun da seçə bilərlər, belə kostyumların birinin qiyməti 500 manatdan artıq ola bilər.

* Təxmini vaxt. Yarış cədvəli dəyişə bilər. Oyun sırası təsdiq olunacaq.
AOK
Zamanlama və Nəticələr TISSOT tərəfindən təmin olunur
Canlı