• Id: 26385
  • NewsTag: NEWS.OFFICIAL.SUPPORTERS

Rəsmi Dəstəkçilər

1991-ci ildən Azərbaycanda fəaliyyətə başlayan “Azərsun Holdinq”, 30 dan çox istehsal müəssisəsini birləşdirir və əsasən 4 istiqamət – qida məhsulları istehsalı, (o cümlədən, çay, konservləşdirilmiş məhsullar, yağ, şəkər, duz, süd və s.) kənd təsərrüfatı, qablaşdırma və kağız sənayesi və satış üzrə fəaliyyət göstərir. Şirkətlər qrupu ölkə və regionu keyfiyyətli qida məhsulları ilə təmin etməklə bərabər respublikanın regionlarında iri istehsal müəssisələrini yaratmışdır. Azərbaycanın aparıcı qida istehsalçısı olan Azərsun Holdinq iyun ayında Bakıda keçiriləcək I Avropa Oyunlarında rəsmi dəstəkçi olaraq, istehsal etdiyi "Azərçay" markası ilə oyunların Rəsmi Çay Tədarükçüsü və Rəsmi Çay Məhsullarının Təchizatçısı olmaqdan məmnuniyyətini ifadə edir və İlk Avropa oyunlarının bir parçası olmaqdan qürur duyur.

Bazarstore supermarketlər şəbəkəsi 2011-ci ildən fəaliyyətə başlayıb və hazırda Bakı, Sumqayıt, eləcə də bölgələr daxil olmaqla 13 mağazası ilə müştərilərinə xidmət göstərir. Burada yerli və xarici ölkələrdən gətirilmiş 30 mindən çox çeşiddə qida və qeyri-qida məhsulları istehlakçıların seçiminə təqdim edilib. Əsas şüarı bol çeşid, sərfəli qiymət, yüksək keyfiyyət olan “Bazarstore” mağazalar şəbəkəsi Azərbaycan pərakəndə sahəsinin inkişafına böyük töhfə verib. Müasir standartlara uyğun fəaliyyəti və xidmət keyfiyyəti ilə bazarın lideri olan şəbəkə gündəlik 30 000, aylıq 1000000-dan çox istehlakçıya xidmət göstərir. Bakı 2015 ilk Avropa Oyunlarının Rəsmi Supermarketi, eyni zamanda Bakı 2015 merçendayzinq tərəfdaşı olan Bazarstore supermarketlər şəbəkəsi, bu əməkdaşlıqdan məmnuniyyətini ifadə edir və İlk Avropa oyunlarının bir parçası olmaqdan qürur duyur.

İmzalanmış əməkdaşlıq sazişi çərçəvəsində McDonald’s şirkəti öz restoranlar şəbəkəsi və keçirəcəyi marketinq kampaniyaları vasitəsilə Bakı və bütövlükdə Azərbaycan ictimaiyyətinə birinci Avropa Oyunları haqqında məlumat yayılmasında dəstək verəcək. Bununla yanaşı, şirkət öz restoranlarında reklam verməklə, Oyunlarla bağlı müsabiqələr keçirməklə və xüsusi formada dizayn edilmiş, Bakı 2015 Avropa Oyunlarını əks etdirən müxtəlif menyular hazırlamaqla Azərbaycanda Avropa Oyunlarını tanıdacaq. McDonald’s şirkətinin Azərbaycanda olan restoranlar şəbəkəsində yayımlanan reklamlar ay ərzində minlərlə müştəriyə çatır.

Milla ilə olan əməkdaşlıq çərçəvəsində şirkət Azərbaycanda olan 5 mindən artıq mağazasında reklam verməklə və öz məhsullarında və işçilərinin geyimlərində Bakı 2015-in loqosuna yer verməklə birinci Avropa Oyunlarına dəstək göstərəcək. Milla şirkəti Azərbaycanda müştərilərinə Avropa Oyunlarının yüksək standartlarına uyğun gələn yüksək keyfiyyətli, sağlam və yenilikçi süd məhsulları təklif edir. Şirkətin məhsulları Bakı 2015 Avropa Oyunlarının keçiriləcəyi idman obyektlərində yerləşdiriləcək dondurma vaqonlarında olacaq və eyni zamanda şirkət geniş televiziya reklam kampaniyası vasitəsilə Avropa Oyunlarına dəstək verəcək. Oyunlar Azərbaycanın tarixində çox gözəl bir an olacaq və Milla şirkəti bütün Avropa tərəfindən maraqla qarşılanacaq bu idman yarışlarının təşkilinə dəstək göstərməkdən qürur duyur.

Motorola Solutions şirkəti ictimai təhlükəsizlik və kommersiya müştəriləri üçün mühüm rabitə həlləri və xidmətləri göstərən aparıcı şirkətdir. Bu şirkət yarışlar zamanı səmərəli və səlis şəkildə əlaqələrin qurulmasını və xəbərləşməni təmin etmək məqsədilə Bakı 2015-ə rəqəmsal radio xidmətləri göstərəcək. Motorola Solutions şirkəti dünyada kommersiya müəssisələrinə və ictimai təhlükəsizliyə radio həllər təklif edir. Şirkət 85-dən ildən çox müddətdir fəaliyyət göstərir və böyük müştəri bazasına sahibdir. Şirkətin 120-dən çox ölkədə olan müştəriləri onun bu sahədəki təcrübəsinə güvənirlər. Motorola Solutions şirkəti indiyədək böyük idman tədbirlərində, o cümlədən bir çox Olimpiya Oyunlarında və əsas futbol turnirlərində xəbərləşmə həllərini uğurla həyata keçirmişdir.

Sitecore şirkəti sifariş əsasında xidmət göstərən məlumatın idarəolunması və rəqəmsal marketinq texnologiyası üzrə ixtisaslaşıb və birinci Avropa Oyunlarına yaxınlaşdıqca Bakı 2015-in internet səhifəsinin idarəedilməsindən cavabdeh olan komandaya dəstək verəcək. Bakı 2015 Avropa Oyunlarının yeni internet səhifəsi 2014-cü ilin avqustun 21-dən fəaliyyət göstərir. İndiyədək dünyanın 130 ölkəsindən olan azarkeşlər birinci Avropa Oyunlarında yer alacaq 20 idman növü və yarışların keçiriləcəyi 18 idman obyekti barədə ətraflı məlumatın verildiyi bu saytı ziyarət ediblər. Sitecore şirkəti ən yüksək səviyyəli internet səhifələrinin yaradılması və idarəolunmasında sahib olduğu bacarıq baxımından dünyada məşhurdur. Avropa Oyunlarında onların dəstəyini almağın Bakı 2015-in internet səhifəsinin idarəolunmasından cavabdeh olan komandaya bu işdə çox böyük köməyi olacaqdır. Şirkət 2001-ci ildə təsis olunub və mərkəzi ofisləri Danimarkanın Kopenhagen şəhərində və Amerika Birləşmiş Ştatlarının Kaliforniya ştatında yerləşir. Şirkət hazırda dünyada 55-dən çox ölkədə fəaliyyət göstərir.

Tickethour şirkəti özünün bilet satışı üzrə proqram təminatı və idarəetmə komandası vasitəsilə Bakı 2015 Avropa Oyunlarında biletlərin satışını həyata keçirəcək. Bu komandanın üzvləri 2004-cü ildə Afinada keçirilmiş Olimpiya və Paralimpiya Oyunlarında biletlərlə bağlı əməliyyatlardan cavabdeh olub. Baş ofisi Yunanıstanın paytaxtı Afinada yerləşən bu şirkət Avropa, Amerika Birləşmiş Ştatları və Yaxın Şərqdə fəaliyyət göstərir. Şirkət il ərzində milyonlarla biletin satışını tənzimləyir və dünyada irimiqyaslı tədbirlər üçün bilet xidmətləri göstərməklə öz peşəkarlığını layiqincə sübut edib.

Canlı