• Id: 56768

Bakı 2015 və BP rəsmiləri Oyunlar Akademiyasının məzunlarına sertifikatlarını təqdim etdilər

Bakı 2015 və BP şirkətinin rəhbər şəxsləri, bir illik yenilikçi və səmərəli tədris proqramını uğurla başa vuran, Azərbaycan və Avropanın müxtəlif yerlərindən olan 188 universitet məzununa sertifikat təqdim etdilər. 

BP Oyunlar Akademiyası təşəbbüsünün eksklüziv rəsmi tərəfdaşıdır. Məzun Təkmilləşdirmə Proqramı Oyunları həyata keçirmək və Azərbaycan üçün davamlı irs qoymaq məqsədilə tələb olunan bilik və bacarıqların yaradılmasına kömək etmək üçün təsis edilmişdi.

Məzunlara sertifikatları Bakı 2015-in əməliyyatlar üzrə baş direktoru cənab Saymon Kleq, Azərbaycan Respublikasının Prezidenti yanında Gənclər Fondunun icraçı direktoru cənab Fərhad Hacıyev, Bakı 2015-in Əməliyyat İmkanları və Hazırlıq şöbəsinin direktoru cənab Gevin MakAlpayn və BP-nin region üzrə vitse-prezidenti cənab İan Suzerlənd təqdim etdilər.

Cənab Saymon Kleq məzunları təbrik edən dedi: “Bakı 2015-in Məzun Proqramı bu irsin bir hissəsi kimi gənclərə öz karyeralarında onlara yardım edəcək yeni bacarıqlar və təcrübə qazanmaq üçün əcnəbi işçi qüvvəsi ilə birlikdə çalışmaq imkanı verdi. Proqram xüsusilə şəxsi inkişaf, biliyin mənimsənilməsi və fərdi əlaqələr qurmaqla gələcək karyera perspektivlərini artırır.”

Azərbaycan Gənclər Fondunun icraçı direktoru cənab Fərhad Hacıyev isə bunları dedi: “Məzun Təkmilləşdirmə Proqramı Bakı 2015-in Azərbaycan gənclərinə verdiyi maddi üstünlüklərin ən bariz nümunəsidir. Bakı 2015-in Məzun Təkmilləşdirmə Proqramını bitirən gənc mütəxəssislər, Azərbaycana Formula-1 üzrə Bakı 2016 Qran Prisi, 2017-ci il İslam Həmrəylik Oyunları, futbol üzrə Avro 2020-nin oyunları və digər bu növ idman tədbirlərini təşkil etməkdə yardım edəcək gələcək nəsildirlər”.

Məzun Təkmilləşdirmə Proqramına Avropa Oyunlarını və Azərbaycanda keçiriləcək növbəti idman tədbirlərini uğurla təşkil etmək üçün tələb olunan vacib bilik və bacarıqların qazanılmasına yönələn altı təlim modulu daxil idi. Bütün iştirakçıların təlimi zamanı vəzifələrini icra edərkən öz tədrislərini də davam etdirdiklərindən əmin olmaq üçün təcrübəli xarici və yerli komanda üzvlərindən məsləhətlərini alırdılar.

Oyunlar Akademiyasının portuqal məzunu Yoana Vies təəssüratlarını belə bölüşdü: “Oyunları böyük uğurla başa vurduğumuz üçün özüm və həmkarlarımla fəxr edirəm! Təhilimi başa vuran kimi çoxnövlü idman tədbirinin təşkil olunduğu mühitdə işləmək və dünyanın müxtəlif ölkələrindən gələn mütəxəssislərdən işin incəliklərini öyrənmək imkanı əldə etməyi bir çoxları xəyalına belə gətirə bilməz. Mən, Portuqaliyaya yeni-yeni biliklərlə qayıdıram və artıq karyeramı idman sahəsi üzrə Avropa Federasiyasında davam etdirməyi səbirsizliklə gözləyirəm”.


Canlı