• Id: 26381
  • NewsTag: NEWS.OFFICIAL.PARTNERS

Rəsmi Tərəfdaşlar

Azərbaycan Hava Yolları rəsmi tərəfdaş olaraq Avropa Oyunlarına daxil olmaqdan olduqca qürur duyur və Bakı 2015 brendini dünyanın hər tərəfinə aparacaq. Şirkət imzaladığı əməkdaşlıq çərçəvəsində uçuş zamanı təyyarədə sərnişinlərə Bakı 2015 Avropa Oyunları haqqında video materiallar göstərməklə və jurnallar təqdim etməklə beynəlxalq ictimaiyyət arasında Oyunlar haqqında məlumatlılığı artırmağa çalışacaq. Bununla yanaşı, 2015-ci ilin yayında tarixi yarışları izləmək üçün gələn səyahətçiləri qarşılamaq üçün Avropa Oyunlarına Heydər Əliyev adına Beynəlxalq Hava Limanında geniş yer verəcək. Azərbaycan Hava Yolları Azərbaycan Respublikasının milli hava yolları şirkətidir və dünyanın 35 şəhərinə uçuşlar həyata keçirməklə il ərzində 1,7 milyon sərnişin daşıyır. Şirkət 2015-ci ildə Avropa Oyunlarının keçirilməsi səbəbindən Avropanın müxtəlif şəhərlərindən Bakıda yerləşən Heydər Əliyev adına Beynəlxalq Hava Limanına gündəlik uçuşların sayını artırmağı planlaşdırır.

BP şirkəti dünyanın ən məşhur neft və qaz tədarükçülərindən biridir və mühüm enerji mənbələrinin təhlükəsiz istehsalı və emalına çalışır. Şirkət Azərbaycanda indiyədək neft və qazın çıxarılması, emalı və nəqliyyatı üzrə beş böyük layihəni təhlükəsiz və etibarlı şəkildə həyata keçirib. 1994-cü ildən bəri tərəfdaşları ilə birlikdə ölkədə ümumilikdə 50 milyard dollar həcmində layihələr reallaşdırıb və geniş şəkildə davamlı inkişaf naminə təşəbbüslər irəli sürmək kimi bir sıra fəaliyyətlər nəticəsində yerli ictimaiyyət arasında böyük nüfuza sahib olub. BP şirkəti Bakı 2015 Oyunlar Akademiyasının rəsmi tərəfdaşı olmaqdan fərəh duyur. Şirkət Azərbaycanda peşəkar istedadların müəyyənləşdirilməsi və inkişafına dəstək verməklə Oyunların təşkilində birbaşa iştirak etmək imkanından yararlanmaları üçün gənc nəslə köməklik göstərir.

Coca-Cola şirkəti fəal həyat tərzi və idman bayramı ətrafında Avropanı birləşdirəcək birinci Avropa Oyunlarının bir hissəsi olmaqdan qürur duyur. Coca-Cola spirtsiz içkilərin istehsalı, bazara çıxarılması və satışı üzrə dünyada ən böyük şirkətdir. Şirkət 200-dən çox ölkədə 500 növdən artıq məhsul istehsal edir və hər gün 1,9 milyarddan çox insanı məhsulları ilə təmin edir. Anlaşmaya əsasən, Bakı 2015-in brendi şirkətin Azərbaycandakı məhsullarının etiketlərində əks olunacaq. Coca-Cola eyni zamanda Bakı 2015-ə həsr olunan məhdud sayda məhsul istehsal edəcək və Oyunlar haqda məlumatlılığı artırmaq məqsədilə marketinq kampaniyası həyata keçirəcək. Coca-Colanın Olimpiya hərəkatına verdiyi dəstəyin böyük tarixi var. Belə ki, şirkət ilk dəfə 1928-ci ildə Amsterdamda keçirilmiş Olimpiya Oyunlarında sponsor olub və bu tarixdən etibarən bütün Oyunlarda əsas tərəfdaş kimi çıxış edib. Şirkət dünyada 200-dən çox ölkədə yerli bazarlarda fəaliyyət göstərir və Azərbaycanda 1994-cü ildə zavod açıb. Coca-Ciola şirkəti Azərbaycanda ümumilikdə 2,200-dən çox insanı birbaşa və dolayı yolla işlə təmin edir.

Nar Mobile şirkəti Bakı 2015 Avropa Oyunlarının Könüllülər Proqramının rəsmi tərəfdaşı və Oyunların Mobil Telekommunikasiya Xidmətləri üzrə rəsmi tədarükçüsü olmaqdan qürur duyur. Şirkət könüllülərin seçilməsi və təlimi prosesini mağazalarında verdiyi reklamlar, sosial mediadakı fəaliyyəti və könüllülərlə əlaqədar rəsmi mobil tətbiqi vasitəsilə dəstəkləyəcəkdir. Nar Mobile şirkəti abunəçilərinə 2007-ci ildən bəri xidmət göstərir və Azərbaycanın ən sürətli inkişaf edən mobil operatoru sayılır. Şirkət yarandığı andan etibarən müxtəlif cazibədar tarif planları təklif etməklə müştərilərinə müstəsna dəyər vermiş və bu yolla sərfəli qiymətlər təklifi siyasətinə sadiq qalmışdır.

Procter & Gamble şirkəti 1837-ci ildə qurulub və mərkəz ofisi İsveçrədə yerləşir. Güclü şirkət ənənəsinə və müştəri mərkəzli xidmət fəlsəfəsinə sahib olan bu şirkətin məhsulları hazırda dünyanın 170-dən çox ölkəsində satılır. Bütün dünyada Olimpiya Oyunlarının sponsoru olaraq da bilinən şirkət öz məhsulları ilə 4,8 milyona yaxın adama xidmət göstərir. Şirkət Azərbaycanda ilk ofisini 1998-ci ildə açıb və indiyədək şirkətin Azərbaycandakı nümayəndəliyi inkişaf edərək milli bazardakı mövcudluğunu qüvvətləndirib. Şirkət Azərbaycanın davamlı inkişafına inanır və ölkə iqtisadiyyatına yüksək həcmdə investisiya qoymaqla bu fikrində sadiq olub. Procter & Gamble şirkəti Azərbaycanda olan pərakəndə satış xidməti göstərən mağazaları və yüksək səviyyəli brend yaratma bacarığı vasitəsilə Bakı 2015 Avropa Oyunlarını dəstəkləyəcək..

Azərbaycan Respublikası Dövlət Neft Şirkəti (ARDNŞ) neft və qazın çıxarılması, nəqliyyatı və marketinqi üzrə fəaliyyət göstərir. Ətraf mühitə dost texnologiyaların tədqiqatı və inkişafı və eləcə də tətbiq edilən yeniliklər şirkətə dünyada enerjiyə artan tələbi qarşılamağa imkan yaradır. ARDNŞ yüksək səviyyəli istehsalat proseslərinə yiyələnmək, maraqlı tərəflərin öhdəliklərinə cavab vermək, ətraf mühitin mühafizəsini gücləndirmək və onun davamlı inkişafını təmin etmək üçün səmərəlilik və yeniliklərdə davamlı irəliləyişə nail olmağa strateji məqsəd kimi yanaşır. ARDNŞ 66 mindən çox işçisi ilə 20 ölkədə fəaliyyət göstərən enerji şirkətidir.

Tissot şirkəti Bakı 2015-in rəsmi taymkiperidir. Şirkət birinci Avropa Oyunlarında vaxt və xalların cədvəllərdə göstərilməsi xidmətlərini həyata keçirəcək. Oyunların açılışına qalan günlərin sayı azaldıqca yarışlar haqqında məlumatlılığı artırmaq üçün Bakı Dənizkənarı Parkında və Heydər Əliyev adına Beynəlxalq Hava Limanında hər yerdə biri olmaqla ümumilikdə iki rəsmi gerisayım saatları yerləşdirilib. Tissot, dünyada ən çox satılan saat markasıdır və 160 ölkədə 14 mindən çox satış yerində fəaliyyət göstərir. Bu brendin yüksək nüfuzu onun görkəmli tarixində dəfələrlə tanınmışdır və Tissot indiyədək MotoGP, FİM Dünya Superbayk Yarışları, FİBA, AFL, RBS 6 Millətlərarası Reqbi Yarışı və velosiped idmanı, qılıncoynatma və xokkey üzrə keçirilmiş Dünya Çempionatlarında rəsmi taymkiper və tərəfdaş olub. Tissot şirkətinin çox növlü idman Oyunlarıdakı beynəlxalq təcrübəsinə Asiya Oyunları, Pan-amerikan Oyunları və FİSU Universitetlərarası Oyunlar daxildir.

Canlı