• Id: 27586

Ulduz Elçilər İctimaiyyətə təqdim olundu

Ulduz Elçilər İctimaiyyətə təqdim olundu

Beynəlxalq Muğam Mərkəzində Bakı 2015 Avropa Oyunlarının Ulduz Elçilərinin təqdimetmə mərasimi keçirildi. Tədbirdə Bakı Avropa Oyunları Əməliyyat Komitəsinin (BAOƏK) əməliyyatlar üzrə baş direktoru Saymon Kleq, BAOƏK-in korporativ direktoru Elçin Səfərov, Azərbaycan Gənclər Fondunun (AGF) icraçı direktoru Fərhad Hacıyev, Bakı 2015-in Ulduz və İdman Elçiləri, BAOƏK-in işçiləri və könüllülər iştirak etdilər.

Avropa Oyunlarının Ulduz Elçiləri Muğam Mərkəzinin giriş hissəsində onlar üçün salınmış qırmızı xalçada bir-bir qarşılandılar. Burada qısa görüşdən sonra qonaqlar mərkəzin əsas zalına dəvət olundu.

Açılış nitqini BAOƏK-in əməliyyatlar üzrə baş direktoru Saymon Kleq söylədi. O əvvəlcə gənclər və idman naziri Azad Rəhimovun tədbir iştirakçılarına salam və təbriklərini çatdırdı və sonra bildirdi ki, Azərbaycan ictimaiyyəti böyük hadisəyə şahidlik edəcək: “Biz həqiqətən də Azərbaycanda tarix yazırıq. Bunu fəxr hissi ilə qeyd edirəm. Heç bir Avropa şəhəri sonra deyə bilməyəcək ki,  bu oyunların ilk ev sahibi biz olmuşuq. Bunu Bakı deyib və deyəcək.”

Saymon Kleqin sözlərinə görə, Ulduz Elçilərin iştirakı ilə Oyunlar fərqli ab-havaya bürünüb: “Bakı Avropa Oyunları sadəcə idmanla əlaqədar deyil, bütün ictimaiyyəti idman ətrafında toplayan ictimai hadisədir. Bu tədbirdə idmançılarla yanaşı musiqiçilər, rep ifaçıları, DJ-lər, aktyorlar, komediya ustaları kimi ictimai xadimlər bir araya gələrək bu oyunlara dəstək verirlər.”

Sonra BAOƏK-in korporativ direktoru Elçin Səfərov nitq söylədi. O çıxışında Oyunlar barəsində məlumatlılığın artırılmasının vacibliyindən danışdı: “Bu gecənin ən böyük məqsədi bizimlə bərabər bu işdə incəsənət xadimlərimizin iştirakını təmin etməkdir. Sizin vasitənizlə bütün Azərbaycana, Azərbaycandan kənarda olan tanıdıqlarınıza Avropa Oyunları haqqında lazımi məlumatı çatdırmaq istəyirik.”

Tədbirdə AGF-nin icraçı direktoru Fərhad Hacıyev də çıxış etdi. Onun sözlərinə görə, Ulduz Elçilər gənclərə bu işdə rəhbər olacaqlar: “Sizin gördüyünüz hər bir iş, hər bir hərəkətiniz və sözünüz bu Oyunların uğuruna, daha yüksək səviyyədə keçirilməsinə xidmət edəcək. Hər bir gənc fəxr edəcək ki, onun sizin kimi nümayəndəsi var. Sizdən örnək alaraq vətəni sevməyi, vətənə xidmət etməyi öyrənəcəklər.”

Daha sonra Avropa Oyunlarının 13 Ulduz Elçisi səhnəyə dəvət olundu. Burada onlara döş nişanları təqdim olundu. Bununla yanaşı Ulduz Elçilər təbliğ edəcəkləri idman növlərinin seçimi ilə əlaqədar püşkatmada da iştirak etdilər. Nəticələrə əsasən Nigar Camal və Eldar Qasımov badminton, Röya Ayxan avarçəkmə, Tünzalə Ağayeva atıcılıq, DJ Shock atletika, Miri Yusif basketbol, Murad Dadaşov su idmanı, İlkin Həsəni velosiped, Bəhram Bağırzadə çimərlik futbolu, Rəfael və Coşqun stolüstü tennis, Tahir və Cabir İmanov qardaşları voleybol idmanının ictimaiyyətə geniş təbliğ olunmasında çalışacaqlar.

Tədbirdə Ulduz Elçiləri adından Tünzalə Ağayeva nitq söylədi. O sevənlərini Oyunlarda yaxından iştirak etməyə çağırdı: “Bu möhtəşəm tədbir sülhə, dostluğa, barışa xidmət edəcək. Bütün tamaşaçılarımıza istər qəzetdən oxuyan, istər saytlardan bizi izləyən, konsertlərimizə gələn bütün insanlara demək istəyirəm ki, bu, ölkəmiz və millətimiz üçün fəxr ediləsi tarixi bir hadisə olacaq. Heç kim bundan kənarda qalmasın.”

Sonra iştirakçılar Muğam Mərkəzinin foyesinə keçid aldılar. Oyunların Ulduz Elçiləri burada media nümayəndələrinin suallarını cavablandırdılar.

Məşhur komediya ustası Tahir İmanov Bakı 2015-in ictimaiyyətə təbliğində görəcəyi işlərdən danışdı: “Biz bunu elçi seçilməzdən əvvəl nəzərdə tutmuşduq. Qərara gəldik ki, bu il aprelin 25-26-da Heydər Əliyev Sarayında keçirəcəyimiz konserti Avropa Oyunlarına həsr edək.  Konsert “Hamı Avroppalara” adı altında baş tutacaq. Orada hava limanında qarşılamadan şəhərdə keçiriləcək oyunlara qədər, hər bir ana yumor prizmasından baxacağıq.”

Tanınmış televiziya aparıcısı İlkin Həsəni əldə olan bütün vasitələrdən istifadə edəcəyini dedi: “Nəhəng informasiya ötürücüsü olan televiziya kimi bir imkanımız var. Ona yaxınlaşan internet var. Orada izləyicilərimizin sayı minlərlədir. Ətrafımızda olan dost-tanışlarımız var, onların da sayı az deyil. Bu imkanlardan istifadə edərək bu oyunların təbliğatı ilə məşğul olacağıq.”

Avropa Oyunlarının Bakıda keçirilməsinin ölkəmizə və xalqımıza hansı faydaların olacağı sualını musiqiçi DJ Shack belə cavablandırdı: “Avropa Oyunlarından sonra ictimaiyyət idman zallarına üz tutacaq. Gənclər idmanla daha çox maraqlanacaqlar. Hər yerdə olimpiyadadan sonra adətən belə olur.”

Komediya aktyorlarından Bəhram Bağırzadə Oyunların bir çox faydasından əsas üçünü qeyd etdi: “Avropa Oyunlarının Bakıda keçirilməsinin bizə birinci faydası ondan ibarətdir ki, insanlarımız qürur hissi keçirəcəklər. Çoxumuz bunu indi hiss etmirik. Dünyanın bütün qitələrində televiziyalarda bu oyunlar yayımlananda çoxlarının bizə olan fikirləri dəyişəcək və biz bununla qürur duyacağıq. İkincisi, Avroviziya musiqi müsabiqəsindən sonra ölkəyə çox böyük turist axını oldu. Hesab edirəm ki, Oyunlarından sonra bu daha da artacaq. Üçüncüsü də, gənc nəsil tərbiyələnəcək və püxtələşəcək.”

Ulduz Elçilər sevənlərini bu il 12-28 iyun tarixlərində Bakıda keçiriləcək birinci Avropa Oyunlarında yaxından iştirak etməyə səslədilər. Məşhur müğənni Röya Ayxan hamını bu uğurda birliyə çağırdı: “Avropa Oyunlarının Ulduz Elçisi olduğum üçün çox xoşbəxtəm və bütün dostlarıma da uğurlar arzulayıram. Arzu edirəm ki, bütün Azərbaycan gəncləri bu 5-6 ay ərzində deyil, hər zaman bir olsunlar. Əslində bu işdə sadəcə bizim birliyimiz lazımdır.”

Azərbaycanın tanınmış komediya aktyorlarından Rəfael də Avropa Oyunlarının yüksək səviyyədə keçiriləcəyinə ümidvar olduğunu bildirdi: “Bu vətənimiz üçün lazımlıdır və bu işin öhdəsindən biz layiqincə gələcəyik. Xalqımızın mədəniyyəti yüksək səviyyədədir və həmin günlər çalışacağıq ki, hər şey daha yaxşı və gözəl olsun. Gələn qonaqlar məmnun qalsınlar.” 


    • PublishingList: NEWSARTICLE.SUGGESTED.NEWS
    • Id: 51136
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    KAMANDAN OXATMA - yaddaqalan məqamlar

    Bakı 2015 Avropa Oyunlarında kamandan oxatma üzrə yarışların xülasəsi
    • PublishingList: NEWSARTICLE.SUGGESTED.NEWS
    • Id: 51793
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    AVARÇƏKMƏ - yaddaqalan məqamlar

    Bakı 2015-də avarçəkmə üzrə yarışların ümumi icmalı
    • PublishingList: NEWSARTICLE.SUGGESTED.NEWS
    • Id: 54956
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    3x3 BASKETBOL - yaddaqalan məqamlar

    Bakı 2015 çərçivəsində 3x3 basketbol üzrə yarışların ümumi icmalı
    • PublishingList: NEWSARTICLE.SUGGESTED.NEWS
    • Id: 56759
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    ÇİMƏRLİK FUTBOLU - yaddaqalan məqamlar

    Bakı 2015 Avropa Oyunlarının Çimərlik Futbolu icmalı
    • PublishingList: NEWSARTICLE.SUGGESTED.NEWS
    • Id: 56757
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    STOLÜSTÜ TENNİS - yaddaqalan məqamlar

    Bakı 2015 Avropa Oyunlarında stolüstü tennis yarışlarının icmalı
    • PublishingList: NEWSARTICLE.SUGGESTED.NEWS
    • Id: 51214
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    GÜLƏŞ - yaddaqalan məqamlar

    Bakı 2015 Avropa Oyunları çərçivəsində keçirilən güləş üzrə yarışların xülasəsi
    • PublishingList: NEWSARTICLE.SUGGESTED.NEWS
    • Id: 55019
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    ÇİMƏRLİK VOLEYBOLU - yaddaqalan məqamlar

    Bakı 2015-də çimərlik voleybolu üzrə yarışların ümumi icmalı
Canlı