Bakı 2015 Avropa Oyunlarında triatlon idman növü üzrə 13-14 İyun tarixlərində müxtəlif kateqoriyalar üzrə yarışlar keçirilib. Bu, Azərbaycanda adıçəkilən idman növü üzrə ilk yarışlar olub.

Məxsusi olaraq Avropa Oyunlarına hazırlıq məqsədilə 2013-cü ildə Azərbaycan Triatlon Federasiyası yaradılıb.

Bakı 2015-də triatlon yarışı ilə bağlı bəzi əsas məlumatlarla tanış olun:

Bakı 2015 çərçivəsində triatlon yarışları Bilgəh Çimərliyində keçirilib. İdmançılar Olimpiya məsafəsi üzrə yarışıblar:1,5 km üzüblər, 40 km velosiped sürüblər, 10 km qaçıblar.

İştirakçıların sayı - Yarışlarda ümumilikdə 130 idmançı iştirak edib. Onlardan 65-i qadın, 65-i kişidir.

İştirakçı ölkələr – Bu idman növü üzrə yarışa 48 Milli Olimpiya Komitəsinin təmsilçiləri qatılıb. Azərbaycanı bu mübarizədə 3 idmançı təmsil edib.

Medallar - Triatlon üzrə 6 medal dəsti təqdim olunub.

Təsnifat - Triatlon kişilər və qadınlar üzrə qızıl medalçıların Milli Olimpiya Komitəsi üçün ayrılmış 2016-cı il Olimpiya Oyunlarında bir avtomatik yerlə Bakıda Rio idmanına gedən yoldan biridir.

TİTULLU İDMANÇILAR

İsveçrədən Nikola Spiriq – Dördqat Avropa çempionu, dünya çempionatının ikincisi, London 2012 Olimpiya Oyunlarının çempionudur. Pekin 2008-ci il Olimpiya Oyunlarını 6-cı yerdə tamamlayıb.

Hollandiyadan Reçel Klamer – 2013-cü il Avropa çempionudur, Yeniyetmələr arasında Avropa Çempionatlarının medalçısıdır. 

İsveçdən Liza Norden – üçqat dünya Çempionu, 5 dünya çempionatının iştirakçısı, London 2012-nin gümüş medalçısı, Avropa çempionatlarının mükafatçısıdır 

Azərbaycandan Rostislav Pevtsov - Olimpiya oyunlarının gümüş medalçısıdır.  2014-cü il Dünya Kubokunda ikinci yer, Avropa çempionu, Asiya Kuboku (Meksika) - ikinci yer, 2011-ci il Avropa Çempionatının bürünc medalçısıdır.

MARAQLI ANLAR

Bakı 2015-də keçirilən triatlon yarışlarında ikinci və üçüncü yerin qaliblərinin göstəriciləri arasında cəmi 2 saniyə fərq olub. Belə ki, ikinci yerə çıxan Klamer yarışı 2 saat 1 dəqiqə 44 saniyə, rəqibi Norden isə cəmi 2 saniyə çox - 2 saat 1 dəqiqə 46 saniyəyə estafeti yekunlaşdırıb.

MEDALLAR

Kişilər arasında:

Qordon Benson (Böyük Britaniya) – qızıl
Joao Silva (Portuqaliya) – gümüş
Rostislav Pevtsov (Azərbaycan) – bürünc

Qadınlar arasında:

Nikola Spiriq (İsveçrə) – qızıl
Reçel Klamer (Hollandiya) –gümüş
Liza Norden (İsveç) – bürünc

MEDAL ALAN ÖLKƏLƏRİN SİYAHISI

Böyük Britaniya – 1 qızıl
İsveçrə – 1 qızıl
Portuqaliya – 1 gümüş
Hollandiya – 1 gümüş
Azərbaycan – 1 bürünc
İsveç – 1 bürünc