• Id: 55204

Şpaqa ilə komanda yarışında İtaliyanın mübahisəli qələbəsi

Fencing Day 15: Baku 2015 - 1st European Games
BAKU, AZERBAIJAN - JUNE 27: Andrea Santarelli of Italy (L) and Florian Staub of Switzerland compete in the Men's Fencing Team Epee Bronze Final during day fifteen of the Baku 2015 European Games at…
İsveçrəli Brus Brunold: "Bu ədalətsizlikdir"

Bakı 2015 ilk Avropa Oyunlarında qılıncoynatma idman növü üzrə bürünc medal uğrunda mübarizəyə qoşulan İtaliya yığması şpaqa ilə komanda yarışını qalibiyyətlə bitirrək bürünc medala sahibləniblər.

Ancaq yarış mübahisəsiz ötüşməyib. Belə ki, davam edən qarşılaşmanın sonuncu mərhələsində komandalar 38-38 xal hesabı ilə bərabərləşəndə İsveçrə komandası, yarışın ortasında isveçrəli Mişel Niqqelerin, italyan rəqibi Marko Fişer üzərinə hücumundan sonra qələbəni qeyd etməyə başlayıb.

Ancaq Fişer həmin anda arenada rəsmilər ilə mübahisə etməyə başlayıb və hakimə bir neçə dəfə "qeyri-döyüş anı" deyə təkrarlayıb. 5 dəqiqə davam edən qızğın müzakirədən sonra İtaliya komandası rəsmi etiraza əl atıblar. Belə bir iddia irəli sürüblər ki, qılıncoynatmada tam xal qazanıldıqdan sonra oyun bitməli idi, çünki artıq hakim mübarizəni "qeyri-döyüş anı"kimi qiymətləndirmişdi.

Nəhayət İtaliyanın etirazı qəbul olunub.15 dəqiqədən sonra qılıncoynadanlar Niqqeler ilə Fişerə əlavə vaxt verilıb və onlar yenidən səhnəyə qayıdıblar. Saatda 32 saniyə qalmaqla, Fişer oyunun taleyini dəyişib və 44-40 hesabı ilə qələbədən sonra italyanlar bürünc medal qazanmağa müvəffəq olublar.

Ancaq onların əldə etdikləri nəticə tamaşaçılar tərəfindən pis qarşılanıb. Həddindən artıq əsəbi olan Niqqeler, italiyalı yığma və məşqçisi ilə əl sıxsa da, onunla danışmağa cəhd göstərən Fişera ilə ünsiyyət qurmaqdan imtina edərək səhnəni tərk edib.

Onun komanda yoldaşı Brus Brunold, həmyerlisinin məğlubiyytəni ədalətsizlik adlandıraraq deyib:

Fikrimcə, bu ədalətsizdir. Həqiqətən elə bildik ki, oyunu bitirmişik. Biz üstünlük qazanmışdıq və hakimin, bir toxunuş, sözündən sonra Niqqeler qılıncla vurdu, biz əl sıxdıq və döyüş bitmişdi.-Brus Brunold

İtalyan Fişer isə qalibiyyət əldə etsə də, rəqibi Niqqerə görə məyus olduğunu bildirib:

Niqqer üçün çətin idi. Bunu bilirəm, lakin biz qaydalara riayət etməliyik. Başa düşürəm ki, o acıqlıdır. Amma düşünürəm ki, o sakitləşəndə, yenidən hər şey qaydasında olacaq. İsveçrəyə görə üzülürəm, amma komandam, məşqçim, İtaliya qılıncoynatma heyəti və özüm üçün sevinirəm.-Marko Fişer



Canlı