Bakı 2015 Avropa Oyunlarında kamandan oxatma yarışları 16-22 iyun tarixlərində Tofiq Bəhramov adına stadionda keçirildi.

Bakı 2015-ə kamandan oxatma yarışı ilə bağlı bəzi əsas məlumatlarla tanış olun:

İştirakçıların sayı - kamandan oxatma üzrə Bakı 2015-də kişilərin və qadınların yarışları 64 iştirakçıdan ibarətdir.  

İştirakçı ölkələr - qarışıq komandada Azərbaycan da daxil olmaqla, reytinq mərhələsindən ən yaxşı 15 komanda qarşılaşıb.

Təsnifat - Bakı 2015-də kamandan oxatma yarışları Rio 2016 Olimpiya Oyunları üçün Avropa çempionatındakı ilə eyni səviyyədə reytinq xalı verir. Lakin gələcəkdə Avropa Oyunları, Olimpiya Oyunlarının kamandan oxatma yarışları üçün təsnifat yarışları ola bilər.

TİTULLU İDMANÇILAR 

İtaliyadan Mişele Frangilli və Mauro Nespoli – 2012-ci il London Olimpiya Oyunlarının çempionlarıdır. İtaliyanı təmsil edən digər idmançı Nataliya Valeyeva isə 1992-ci il Barselona Olimpiya Oyunlarının çempionudur.

Ukraynadan Viktor Ruban 2008-ci il Pekin Olimpiya Oyunlarının çempionudur.  

2014-cü il Avropa çempionları: Florian Kahlund (Almaniya), Pyer Plihon (Fransa), Laura Ruqqieri (Fransa), Bair Tsibekdorjiyev (Rusiya) də Bakı 2015 iştirakçıları arasında mübarizə aparıblar.

İLK DƏFƏ 

Bakı 2015 Avropa Oyunları kamandan oxatma üzrə yeni set sistemi qəbul edildikdən sonra keçirilən ilk çoxnövlü idman yarışı oldu. Əvvəlki qaydalara görə, ən çox xal toplayan oxatan yarışda qalib gəlirdi. İndi isə üç ox setini qazanan idmançı udur. Hər setdə qalib iki xal toplayır, əgər xallar bərabər olarsa, oxatanların hər biri bir xalla qiymətləndirilir.

MARAQLI ANLAR

Kamandan oxatanlar arasında ailə cütləri də olub. Azərbaycandan Taras və Olqa Senyuk bu oyunlarda çiyin-çiyinə yarışıblar. Lixtenşteyndən tələbə Marvin Qrişkenə elə öz atası Martin Qrişke məşqçilik edib. İtaliyadan isə Nikolo Kampriani və Petra Zublasinq altı ildir ki, birgə yaşayırlar.

Bakı 2015 çərçivəsində keçirilən kamandan oxatma üzrə oyunların nəticələri: 

Qarışıq komanda çoxnövçülük üzrə final:

İtaliya (Mauro Nespoli, Natalya Valeyeva) – qızıl
Gürcüstan (Laşa Pxakadze, Xatuna Narimanidze) - gümüş
Ukrayna (Lidiya Siçenikova, Georgi İvanitskiy) - bürünc

Qadın komandalar arasında çoxnövçülük:

İtaliya (Natalya Valeyeva, Elena Tonetta, Quandelina Sartori) - qızıl
Belarus (Hanna Marusava Yekaterina Timofeyeva, Alyona Tolkaç) - gümüş.
Ukrayna (Veronika Marçenko, Anastasiya Pavlova, Lidiya Siçenikova) - bürünc

Kişi komanda arasında çoxnövçülük:

Ukrayna (Georgi İvanitskiy,Markiyan İvaşko, Viktor Ruban) - qızıl
İspaniya (Migel Qarsia Alvarino, Antonio Fernandez, Xuan İqnasio Rodriqes) -gümüş
Hollandiya (Mitç Dielaman, Sjef Van Den Berg, Rik Van der Ven) - bürünc

Qadınlar arasında fərdi yarış:

Karina Vinter (Almaniya) – qızıl
Maya Jager (Danimarka) – gümüş
Alisiya Marin (İspaniya) – bürünc 

Kişilər arasında oxatma üzrə fərdi yarış:

Miquel Alvario Qarsiya (İspaniya) - qızıl
Sjef Van Den Berqdən (Hollandiya) - gümüş
Anton Prilepov (Belarus) – bürünc

MEDAL QAZANAN ÖLKƏLƏRİN SİYAHISI:

İtaliya – 2 qızıl
Ukrayna – 1 qızıl, 2 bürünc
İspaniya – 1 qızıl, 2 gümüş, 1 bürünc
Almaniya – 1 qızıl
Belarus – 1 gümüş, 1 bürünc
Hollandiya – 1 gümüş, 1 bürünc
Gürcüstan – 1 gümüş
Danimarka – 1 gümüş