• Id: 50528

İtaliyanın qazandığı ikiqat qızıl gözləri qamaşdırır

Atıcılıq
Qızıl medalçılar: Nikolo Kampriani və sevgilisi Petra Zublasinq cütlüyü. Harry Engels/Getty Images
Zublasinq-Kampriani cütlüyü qarışıq komandanın atəş yarışında birinci oldu

İtaliyadan olan Petra Zublasinq və Nikolo Kampriani Bakı 2015 Avropa Oyunlarının atıcılıq poliqonunda keçirilən yarışlarda öz ölkəsinə qızıl medal qazandırıb.

İtalyanlar qızıl medala Danimarkanı təmsil edən Stien Nielsen və Steffen Olsen cütlüyü ilə oyundan sonra sahib çıxıblar. Bürünc medal uğrunda qarşılaşmada isə Rusiya 10 metr məsafəyə hava tüfəngi ilə atəş üzrə qarışıq komanda yarışında Serbiyaya qalib gəliblər.

Keçən həftənin çərşənbə axşamı Bakı 2015 Avropa Oyunlarında Kampriani kişilər arasında 10 metr məsafəyə hava tüfəngi ilə atəş yarışında gümüş medal qazanmışdı. Zublasinq isə cümə günü qadınlar arasında 50 metr məsafəyə hava tüfəngi ilə atəş yarışının final mərhələsi üzrə dünya rekordu müəyyən edərək qızıl medal qazandı.

Bazar günü Kampriani kişilər arasında 50 metr məsafəyə 3 vəziyyətdə atəş yarışına vəsiqə qazana bilmədiyi üçün psixoloji hazırlığının çatışmazlığından şikayətlənmişdi. Bu növdə Olimpiya çempionu olan idmançı Bakı 2015-in bu il ərzində onun sonuncu turniri olacağını bildirmişdi.

"Biz komanda yarışlarını sevmirik və sadəcə bəzi qaydalara uyğunlaşmalıyıq. Bu masaüstü oyun deyil, atıcılıqdır və burada ən yaxşılar qalib gəlir," Kampriani deyib.

Bu gün həddən artıq qısa və həddən artıq gərgin idi, lakin biz komanda oyunları ideyasını bəyənirik. Neçə idmançı deyə bilər ki, o, öz rəfiqəsi ilə qızıl medal qazanıb? Çox az. Bu, çox xüsusi haldır.-Nikolo Kampriani

Beləliklə, Kampriani son olaraq daha bir həyəcanlı finalda iştirak etmək imkanı qazandı. Burada iştirakçılar bir cəhdlik raundlarda mübarizə aparırdılar. Ümumi xalı yüksək olan komanda 1 xal qazanaraq raundu qazanmış hesab olunur və 5 xalı ilk toplayan cütlük qızıl medal qazanırdı.

Danimarka hesabda 2-0 və 3-1 irəlidə olduqdan sonra İtaliya ardıcıl üç raundda qalib gəldi. Danimarka hesabı 4-4 etdikdən sonra Olsen son raundda cəmi 8,6 xal qazandı və italyanlar hər ikisi 10,4 xal qazandığı halda Nilsen 10,2 xal qazandı.

Hava tüfəngi həqiqətən mənim növüm deyil və əsəblərimi gərir. Hər şey hərəkət edirdi. Bəxtim gətirirdi ki, onlar hədəfə dəyirdi.-Steffen Olsen

Darya Vdovina və Sergey Kruqlov (RUS) bürünc medal uğrunda qarşılaşmada serbiyalı Andrea Arsoviç və Milutin Stefanoviç üzərində 5-3 hesabı ilə üstün olublar.

Bazar ertəsi qarışıq komandaların stend atıcılığı yarışı da daxil olmaqla, İtaliya Bakı 2015 Avropa Oyunlarının atıcılıq yarışlarında dörd qızıl medal qazanıb.

"İtaliyanın ümumi çıxışı çox yaxşı alındı və çox iş görülüb. Düşünürəm ki, biz gələcəyimizi bu nailiyyətlər üzərində qura bilərik," Zublasinq deyib.

"Ümid edirəm ki, bu medallar bu idman növünü daha da populyar edəcək və gənc insanlar poliqona gələrək bu idman növü ilə məşğul olmağa çalışacaq, çünki bu idman növü insana özü və şəxsiyyəti barədə çox şey öyrədir." 

 


    • PublishingList: NEWSARTICLE.SUGGESTED.NEWS
    • Id: 50528
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    İtaliyanın qazandığı ikiqat qızıl gözləri qamaşdırır

    Zublasinq-Kampriani cütlüyü qarışıq komandanın atəş yarışında birinci oldu
    • PublishingList: NEWSARTICLE.SUGGESTED.NEWS
    • Id: 49129
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Fransalı Soveplan atıcılıqda qızıl medalçı oldu

    50 metrdən tüfəng ilə atəş üzrə Xorvatiya gümüş, Belarusiya isə bürünc medalı aldı
Canlı