• Id: 46693

Rusiya bütün ölkələri qabaqladı

Güləş
Toğrul Əsgərov 65 kq sərbəst güləş yarışının qalibi olub. Paul Gilham/Getty Images
Güləş yarışlarında 11 qızıl medal qazanan Rusiyanı 6 qızılla Azərbaycan izləyib

Altı gün davam edən güləş üzrə yarışların ilk günü baş tutan final qarşılaşmasında yerli favorit güləşçi Rafiq Hüseynovu  məğlub edən rusiyalı Yevgeni Saleyev deyib:

Bütün tamaşaçıların mənim rəqibimi dəstəkləməsi məni daha da ruhlandırır və mən daha çox səyla güləşməyə başlayıram. Mən Rusiyanın ən güclü komanda olduğunu sübut etmək istəyirdim.-Yevgeni Saleyev

O və onun komandası məhz bunu reallaşdırdı. Yerli azarkeşlər Heydər Əliyev adına İdman Arenasında möhtəşəm abu-hava yaratmışdılar və azərbaycanlı güləşçilər güclü mübarizə nümayiş etdirdilər, lakin bir neçə çempionunu yarışa gətirməyən Rusiya komandası üstün olub.

Yarışdan öncə xüsusi təlim-məşq toplanışında hazırlaşan Rusiya komandası 11 qızıl medal qazanıb. Bu nəticə ilə onlar güləş üzrə medal cədvəlində yerli komandanı beş medalla üstələyirlər, digər komandalar isə kifayət qədər arxada qalır.

Rusiyanı ən yüksək şəkildə təmsil edən yunan-roma güləşçiləri Saleyev və İslam Maqomedov olub. Valeriya Lazinskaya qadınlar arasında 63 kq çəki dərəcəsində Ukraynanı təmsil edən dünya çempionu Yuliya Tkaçı təəccübləndirib.

Sərbəst güləş üzrə 86 kq çəki dərəcəsində Abdulraşid Sadulayevin moldovalı Pyotr Yannulov üzərində 98 saniyə ərzində tam üstünlüklə qələbə qazanaraq on birinci qızıl medalı qazanması Rusiyanın dominantlığını bir az da gücləndirib. 

Güləş Azərbaycanda milli idman növüdür və ölkə başçısı İlham Əliyev yerli qalibləri medalla təltif etmək üçün üç dəfə yarışların təşkil edildiyi arenaya təşrif buyurub. Onlar arasında ən tanınmışları Toğrul Əsgərov, Mariya Stadnik və Xetaq Qazyumov olub.

Əsgərov 2012-ci il Olimpiya Oyunlarından sonra medal qazanmamışdı və rusiyalı İlyas Bekbulatova qarşı keçirilən ilk mərhələ qarşılaşmasında üstünlüyü ələ alaraq 8-7 hesablı qalibiyyət əldə etmişdi. Bundan sonra onun işi daha asan oldu və o, sərbəst güləş üzrə 65 kq çəki dərəcəsində qalib oldu.

Olimpiya Oyunlarının bürünc və gümüş medalçısı 26 yaşlı Stadnik 48 kq çəki dərəcəsində qalib olduqdan sonra növbəti il Rio de Janeyroda keçiriləcək Olimpiya Oyunlarında qızıl medal qazanacağına ümid edir.

Qazyumov 97 kq çəki dərəcəsi üzrə yarımfinal görüşündə rusiyalı favorit Abdusalam Qadisov üzərində qazandığı qələbəyə sevinib. Final qarşılaşmasında arenaya toplaşan azarkeşlərin səsindən hakimin fitinin səsini eşitmək bəzən mümkün olmurdu. Qazyumov gürcü Elizbar Odikadzeyə qalib gəlib.

Yerli güləşçilərin inanılmaz şəkildə dəstəklənməsinə baxmayaraq bütün erməni idmançıların fitə basılıması neytral tamaçıların və rəsmi şəxslərin təəssüfünə səbəb olub.

Ən yaxşı qarşılaşma

Toğrul Əsgərov İlias Bekbulatova qarşı

Sərbəst güləş üzrə 65 kq çəki dərəcəsində ilk mərhələ

Bu güləşçilər finalda qarşılaşmalı idilər, lakin Bekbulatovun püşkatmada bəxti gətirməmişdi və o, Olimpiya çempionuna qarşı əla mübarizə nümayiş etdirməsinə baxmayaraq 8-7 hesabı ilə məğlub oldu. O, sonucu saniyələrə qədər yerli azarkeşlərin qəhrəmanını məğlub etməyə yaxın olub. Rus güləşçi təsəlliverici görüşlərdən sonra layiq olduğu bürünc medala sahib çıxıb.

Ən böyük məyusluq

Xadjimurat Qatçalov 

Açılış mərasimində Rusiyanın bayraqdarı olan idmançı sərbəst güləş üzrə 125 kq çəki dərəcəsində ilk görüşündə mübarizəni dayandırmalı olub. Ola bilər ki, o yanlış çəki dərəcəsində yarışıb, belə ki, 2004-cü ildə Olimpiya çempionu olmuş Qatçalovun çəkisi 100 kq-dır, lakin onun rəqibi Levan Berniadzenin çəkisi ondan ən azı 20 kq çox idi. 


    • PublishingList: NEWSARTICLE.SUGGESTED.NEWS
    • Id: 46693
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Rusiya bütün ölkələri qabaqladı

    Güləş yarışlarında 11 qızıl medal qazanan Rusiyanı 6 qızılla Azərbaycan izləyib
Canlı