• Id: 49414

Gimnastika - günün icmalı

Akrobatika gimnastikası
Akrobatika gimnastıkası yarışı. Dan Mullan/Getty Images
Bu günə sona çatan yarışların nəticələri ilə tanış olun

İyunun 21-də ilk Avropa Oyunlarında daha bir populyar idman – gimnastika üzrə yarışlar başa çatdı. Bazar günü akrobatika, batut, aerobika və bədii gimnastika üzrə oyunlar sürpriz qələbələr, gözlənilməz çıxışlarla auditoriyanın diqqətini cəlb etdi.

Bu oyunların əsas nəticələrini təqdim edirik:

BATUT GİMNASTİKASI

Günün əsas xəbəri rus gimnast, London 2012-nin gümüş medalçısı Dmitri Uşakovun oyunlarda eyni gündə iki qızıl medal qazanması oldu. O, həm fərdi, həm də sinxron yarışların finalında birinciliyi əldə etdi.

Kişilər arasında fərdi yarışda Uşakov 60.090 xalla qızıl, 2014-cü il Avropa çempionu, Belarusdan Uladislau Hançarou 59.380 xalla gümüş, Azərbaycan idmançısı İlya Qrişunin isə 58.765 xalla bürüncü əldə edib.

Kişilər arasında sinxron final yarışında Rusiyadan Mixail Melnik və Uşakov qızıl medala sahib oldular (51.100 xal). Gümüş – Belarusdan Uladislau Hançaru və onun partnyoru Mikalay Kazak (50.800 xal), bürünc isə Almaniyadan Martin Qromovski və Kirilo Sonn cütlüyünə (48.800 xal) çatdı.

Batut gimnastikasında qadınlar arasında da rusiyalı idmançılar dominantlıq edirdi.

Qadınlar arasında sinxron yarışlarda Rusiyadan Yana Pavlova və Anna Kornetskaya cütlüyü 46,400 xal toplayaraq qızıl medal, Fransadan Marine Jubert və Joli Vallez 44,600 xalla gümüş, portuqaliyalı Ana Rente və Biatriz Martins cütlüyü 44,500 xalla isə bürünc medala sahib oldular.

Tramplin üzrə fərdi mübarizənin final mərhələsində Yana Pavlova 54.335 xalla qalib oldu. Böyük Britaniyadan Katerina Driskol 53.910 xalla gümüş, Belarusdan Hanna Harçonak isə 53.565 xalla bürünc medal qazandı.

AEROBİKA GİMNASTİKASI

Aerobika gimnastikası üzrə qarışıq cütlər və qrup finallarında İspaniya və Macarıstan idmançıları artistizmə görə ən yüksək balları aldılar.

Qarışıq cütlük yarışında İspaniyadan Sara Lopez Moreno və Vicente Lli Lloris 21.150 xal toplayaraq finalda birincilik əldə etdilər.

İtaliyadan Miçela Kastoldi və Davide Donati cütlüyü gümüş (21.050 xal), Rusiyadan Duxik Canazyan və Denis Solovyev  20.500 xal hesabı ilə bürünc medala yiyələndilər.

Qrup finalında Macarıstan 21,144 xalla qızıl medalı apardı. Rumıniya 21,094 xalla gümüş, İspaniya isə 20,933 xalla bürünc medal qazandı.

AKROBATİKA GİMNASTİKASI

Bu idman növü üzrə yarışlarda da maraqlı nəticələr əldə olundu.

Belə ki, Belçika qadınlar arasında keçirilən qruplar üzrə gimnastika tirində finalı 28.700 xalla tamamlayaraq qızıl medal qazandı.Rusiya 28.550 xalla gümüş, Belarus 28.510 xalla isə bürünc medal qazandı.

Akrobatika gimnastikası üzrə qarışıq cütlərin dinamik çıxışında Rusiyadan Marina Çernova və Georgi Pataraya 29.300 xalla qızıl medal qazandılar.

Belçikadan Yana Vastavel və Solano Kasamajor cütlüyü 28.690 xalla gümüş, Böyük Britaniyadan Hanna Bauqn və Ryan Bartlett isə 28.650 xalla bürünc medala layiq görüldü.

Bundan əvvəl akrobatika gimnastikası üzrə qarışıq cütlüklər çoxnövçülük finalında Rusiya 89.310 xalla qızıl medal qazanmışdı. Belçika 86.180 xalla gümüş medal, Böyük Britaniya isə 85.160 xalla bürünc medal əldə etmişdi.

Qadınların çoxnövçülük üzrə komanda yarışının finalında 86.480 xal ilə Belçika qızıl medal, Rusiya 85.430 xalla gümüş, Belarus isə 84.610 xalla bürünc medala yiyələnmişdilər.

İDMAN GİMNASTİKASI

İdman gimnastikası üzrə qadınlar və kişilər arasında müxtəlif kateqoriyalar üzrə medallar qazanılıb. Hətta bir neçə medal qazanan idmançılar da olub. 

QADINLAR ARASINDA ayrı-ayrı hərəkətlər yarışında Giuliya Ştaynqruber (SUI) iki qızıl və bir bürünc medal qazanmağa nail olub. O, şüvüllə tullanmada (14.999 xal) və sərbəst hərəkətlərdə (14.266 xal) birinci, gimnastika tirində (13.700 xal) isə üçüncü olub.

İdman gimnastı Lieke Vevers (NED) ayrı-ayrı hərəkətlərdə gimnastika tiri üzrə qızıl (14.200 xal), sərbəst hərəkətlər üzrə isə bürünc medal qazanıb.

Andrea Iridon (ROU) -ayrı-ayrı hərəkətlər üzrə final oyunlarında gimnastika tirində gümüş və müxtəlif hündürlüklü qollarda bürünc medal qazanıb.

Müxtəlif hündürlüklü qollarda Aliya Mustafina (RUS) (15.400) qızıl medal, Sofi Şeder (GER) 15,200 xalla gümüş medala, Andrea İridon (ROU) isə 12,800 xalla bürünc medala sahib oldular.

Sərbəst hərəkətlər finalında Culiya Steinqruber (SUI) 14,266 xal ilə qalib gələrək qızıl medala yiyələndi. Aliya Mustafina (RUS) 14,200 xalla gümüş, Liek Vevers (NED) 13.800 xalla bürünc medal qazandılar.

Çoxnövçülük finalında Aliya Mustafina (RUS) 58,566 xalla qızıl,  Culiya Ştaynqruber (SUI) 56,699 xalla gümüş, Lieke Vevers (NED) isə 55,065 xalla bürünc medal qazandı.

Komanda yarışlarında 116.897 xalla Rusiya qadınların komanda yarışı finalında qızıl medal qazandı. 110.397 xalla Almaniya gümüş medal qazandı. 110.099 xalla isə Hollandiya bürünc medal qazandı.

KİŞİLƏR arasında da bir neçə medal qazanan idmançılar oldu.

Ukraynadan Oleq Verniyayev idman gimnastikası yarışlarının finalında turnik üzrə 15.533 xal toplayaraq qızıl medal qazandı. Vlasios Maras (GRE) 15.366 xalla gümüş, Nikita İqnatayev (RUS) 15.166 xalla bürünc medala layiq görüldü.

Paralel qollar yarışının finalında Oleq Stepko (AZE) 15,733 xal toplamaqla qızıl medalın sahibi oldu.

Şüvüllə tullanma yarışında Oleq Vernyayev 15.266 xal qazanaraq qızıl medalı əldə etdi. Kasimir Şmit (NED) 15.116 xalla gümüş, Aleq Stepko (AZE) 14.966 xalla bürünc medala layiq oldu.

Sərbəst hərəkətlər üzrə final yarışında Rayderley Miqel Zapata Santana15,333 xalla qalib olaraq qızıl medal qazandı. Fabian Hambuçen (GER) 15,100 xalla gümüş, David Belyavski (RUS) 15,000 xalla bürünc medala layiq görüldü.

Çoxnövçülük yarışının finalında Oleq VerniYayev (UKR) 90.332 xal toplayaraq qızıl medal qazanıb. Oleq Stepko (AZE) 89.065 xalla gümüş, Nikita İqnatayev (RUS) isə 87.365 xalla bürünc medala layiq görülüb.

Gimnastika atı yarışlarının finalında Oleq Stepko (AZE) 14,600 xalla gümüş, Brin Bevan (GBR) 14,200 xalla bürünc medal qazandı.

Halqalar yarışının finalında Elefterios Petrounias (GRE) 15,633 xalla qızıl medal qazandı. Nikita İqnatyev (RUS) 15,333 xalla gümüş medal, İbrahim Çolak (TUR) isə 15,133 xalla bürünc medala sahib oldular.

BƏDİİ GİMNASTİKA

Bazar günü bədii gimnastika üzrə qrup gürzlər və halqalar yarışında 1-ci yeri Belarus, 2-ci yeri İsrail və 3-cü yeri Ukrayna tutub.

Həm fərdi toplar, gəm də fərdi gürzlər üzrə final mərhələsində nəticələr eyni olub: Rusiyalı Yana Kudryavtseva qızıl, Hanna Rizatdinova (Ukrayna) – gümüş, Belarusdan Melitina Staniouta bürünc medal qazanıb.

Bununla da Bakı 2015 çərçivəsində gimnastika üzrə yarışlara son verilib.

 


    • PublishingList: NEWSARTICLE.SUGGESTED.NEWS
    • Id: 53973
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    AKROBATİKA GİMNASTİKASI - yaddaqalan məqamlar

    Bakı 2015-də keçirilmiş akrobatika gimnastikası üzrə yarışların ümumi icmalı
    • PublishingList: NEWSARTICLE.SUGGESTED.NEWS
    • Id: 49414
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Gimnastika - günün icmalı

    Bu günə sona çatan yarışların nəticələri ilə tanış olun
    • PublishingList: NEWSARTICLE.SUGGESTED.NEWS
    • Id: 46563
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Belçika ilk qızıl medalını qazandı

    Parxomets: "Belçikanı məğlub etmək üçün idman gimnastikası üzərində daha çox işləməliyik"
    • PublishingList: NEWSARTICLE.SUGGESTED.NEWS
    • Id: 44611
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Belçikalı akrobatika gimnastları liderliyi ələ keçirib

    Belçikalı qadınlar çoxnövçülük yarışlarında bütün rəqiblərindən öndədirlər
    • PublishingList: NEWSARTICLE.SUGGESTED.NEWS
    • Id: 28959
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False
Canlı