• Id: 48999

Bir yarışda iki qızıl medal

Batut gimnastikası
Qızıl medalçılar Dmitri Uşakov (solda) və Mixail Melnik. Richard Heathcote/Getty Images
Dmitri Uşakov batut gimnastikasında iki dəfə birincilik kürsüsünə çıxdı

London 2012-nin gümüş medalçısı rus gimnastı Dmitri Uşakov bazar günü Milli Gimnastika Areasında keçirilən kişilər arasında batut gimnastikası yarışının finalında dominantlıq etdi.

Uşakov fərdi və sinxron üzrə finallarda qızıl medal qazandı. O, fərdi yarışda bir xaldan daha az fərqlə ikinci yerdə qərarlaşan 2014-cü il Avropa çempionu, Belarusdan Uladislau Hançaurunu məğlub etdi.

"Məşqlər zamanı yerinə yetirdiyim hərəkətləri icra etdim. Bu, mənə qızıl medal qazanmaqda kömək etdi", deyə Uşakov qeyd etdi.

Bu yarışda Azərbaycan təmsilçisi İlya Qrişunin finalda mürəkkəb hərəkəti yerinə yetirərək bürünc medala sahib oldu. "Bu həyatımda qazandığım ən yaxşı nəticədir", deyə Qruşnin bildirdi.

İlk anlardan favorit olan fransız Allan Morante çıxışının sonunda yıxıldığına görə, fərdi final yarışında dördüncü yerin sahibi oldu.

Kişilər arasında sinxron final yarışında yenə də Rusiyadan Mixail Melnik və Uşakov qızıl medala sahib oldular.

"Fərdi yarışda Dmitrinin qazandığı birincilik sinxron final yarışında diqqətimi qızıl medala yönəltmək üçün mənə motivasiya verdi", deyə Melnik vurğuladı.

Qızıl medala doğru gedən yol iki rus batut gimnastı üçün elə də asan olmayıb. Uşakov deyir ki, onlar məxsusi olaraq Avropa Oyunlarında cüt iştirak etmək qərarına gəliblər və yarışlara hazırlaşmaq üçün cəmi iki həftə vaxtları olub. 

Hançaru və onun partnyoru Mikalay Kazak gümüş medal, Almaniyadan Martin Qromovski və Kirilo Son isə bürünc medal qazandılar.

 

 


    • PublishingList: NEWSARTICLE.SUGGESTED.NEWS
    • Id: 52762
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    BATUT GİMNASTİKASI - yaddaqalan məqamlar

    Bakı 2015 çərçivəsində keçirilmiş batut gimnastikası yarışlarının ümumi icmalı
    • PublishingList: NEWSARTICLE.SUGGESTED.NEWS
    • Id: 48999
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Bir yarışda iki qızıl medal

    Dmitri Uşakov batut gimnastikasında iki dəfə birincilik kürsüsünə çıxdı
Canlı