Belçikalı akrobatika gimnastları liderliyi ələ keçirib

Çərşənbə günü Milli Gimnastika Arenasında keçirilən balans və temp hərəkətləri üzrə təsnifat mərhələsində belçikalı qadın akrobatlar inamlı çıxış ediblər.

Belçikalı qadınlardan ibarət akrobatika gimnastikası komandasında 2014-cü il Dünya Çempionatının bürünc medalçıları İneke Van Şur ,Kaat Dumarey və Culiye VAN Qelder var.

Onların bu gün qazandıqları xallar cümə günü keçiriləcək xallara əlavə edilərək medalçıları müəyyən edəcək.

Balans hərəkətləri üzrə yarışlarda belçikalılar 29.090 xalla birinci olublar. Dinamika hərəkətlərində isə onlar 0.01 xalla rusiyalı Valeriya Belkina, Yuliya Nikitina və Yanna Parxomeçi geridə qoyaraq 28.730 xal toplayıblar.

Hər iki hərəkətin xalları toplandıqda Belçika triosunun ən mühüm rəqibləri olan rusiyalı qızlardan 0.92 xalla üstün olduğu görsənir.

Biz narahat olmamalıyıq. Hal-hazırda vəziyyətimiz çox yaxşıdır. Biz daha yaxşı çıxış etməyə qadirik. Düşünürəm ki, finalın sürprizi ola bilərik. -Van Qelder

Qarışıq cütlüklərin yarışında isə rusiyalı Georgi Pataraya  və Marina Çernova, belçikalı Yana Vastaveli və Solano Kasamajoru cəmi iki xalla qabaqlayaraq liderliyi ələ keçiriblər.

Pataraya və Çernova bazar günü keçiriləcək balans və dinamik hərəkətlər üzrə final yarışına ən yüksək xalla yollanırlar.