• Id: 45871

Belarus velosipedçisi rəqiblərini 70 saniyə qabaqladı

Şosse velosipedi
Belarus velosipedçisi Vasil Kiriyenka küləyə əhəmiyyət vermədən mübarizə apardı və qalib gəldi. Jamie Squire/Getty Images
Hollandiya şosse velosipedində bütün əyarlardan olan medallar qazandı

Belarus idmançısı Vasil Kiryienka kişilər arasında keçirilən şosse velosipedi üzrə zamana qarşı fərdi yarışlarda qızıl medal qazandığı halda, Luis Leon Sançez Gil (ESP) bürünc medalla kifayətlənməli olub.

Təxminən iki ay əvvəl Giro d'Italia turnirində Kiriyenka ispaniyalı Sançez Gili 12 saniyə arxada qoymuşdu. Bundan sonra Bakıdaki yarış onlar arasındakı rəqabəti daha da alovlandırıcağı gözlənilirdi. 

Lakin o qədər də şanslı hesab olunmayan Stef Klement (NED) gözlənilmədən gözəl nəticə göstərərək Sançez Gili arxada qoyaraq gümüş medala sahib çıxıb.

Birinci dövrədən sonra nəticəmin yaxşı olacağını bilirdim. İkinci dövrədə yalnız 10 saniyə gecikdim. Gücümü dövrələr arasında kifayət qədər yaxşı bölüşdürdüyümü düşünürəm.-Gümüş medalçı Stef Klement

51.6 km məsafədə zamana qarşı yarışın iştirakçıları üç qrupa bölünmüşdü. Hətta bəzi MOK-lar iki, Fransa isə üç idmançı ilə təmsil olunurdu.

Küləkli Bilgəh çimərliyində baş tutan yarışın gedişatında Sançez Gil finiş xəttini 1 saat 1 dəqiqə 8,90 saniyəyə keçdi. Demək, digər idmançılar fəxri kürsüyə çıxmaq üçün bundan yaxşı nəticə göstərməli idilər.

Sançez Gil deyir ki, bu nəticə onun özü və İspaniya üçün kifayətdir.

Kiriyenka yarışçıların üçüncü bölməsində yer almışdı və 59:36.23 nəticə ilə yarışın bütün iştirakçıları arasında ən sürətlisi oldu. O, yarışı bir saatdan tez başa vuran yeganə velosipedçi oldu. 

O, əksər idmançıları narahat edən küləyə elə də əhəmiyyət vermədiyini deyib:

Əgər digər velosipedçilər küləyin zəiflədiyini düşünürlərsə, bu halda mübarizəyə məndən sonra qoşulan bütün idmançılar məndən daha yaxşı nəticə göstərməli idilər. Lakin birinci mən oldum. Belarusda da buna oxşar yollar var və mən bu yarışa yaxşı hazırlaşa bilmişdim.-Vasil Kiriyenka

Klementin gümüş medal qazanması ilə Hollandiya komandası şosse velosipedi üzrə zamana qarşı yarışda bütün əyarlardan olan medalları qazanmış oldu. Ellen Van Diyk və Annemiek Van Vleuten çərşənbə günü daha erkən saatlarda qadınlar arasında baş tutan yarışlarda müvafiq olaraq, qızıl və bürünc medal qazanmışdı.

"Bu gün mən qızları gördükdə, düşündüm ki, mən də medal qazana bilsəydim, əla olardı," deyə Klement bildirib.

 


    • PublishingList: NEWSARTICLE.SUGGESTED.NEWS
    • Id: 45871
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Belarus velosipedçisi rəqiblərini 70 saniyə qabaqladı

    Hollandiya şosse velosipedində bütün əyarlardan olan medallar qazandı
    • PublishingList: NEWSARTICLE.SUGGESTED.NEWS
    • Id: 43783
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Dünya çempionu Van Jik Bakıda favoritdir

    Şosse velosipedi yarışlarına bir çox məşhur idmançıları qatılır
Canlı