• Id: 54014

Azərbaycanlı 5 boksçudan 4-ü artıq finaldadır

Boks
Azərbaycanlı Xaybulla Musalov. David Ramos/Getty Images
Son anda dəyişən qərar Keyti Teyloru finala apardı

Qadınlar arasında lider olan irlandiyalı Keyti Teylor yüngül çəki dərəcəsində (57-60 kq) finala çıxmaq uğrunda qadınlar arasında keçirilmiş boks yarışında məğlubiyyətdən son anda yaxa qurtarıb.

2011-ci ilin fevral ayından etibarən iştirak etdiyi yarışların heç birində məğlub olmayan Teylorun bugünkü rəqibi Azərbaycanı təmsil edən Yana Alekseyeva olub. Olduqca gərgin keçən görüşün sonuncu raunduna qədər azərbaycanlı Alekseyevanın qalibiyyətə yaxın olmasına baxmayaraq, Teylor son anda bütün gücünü toplayaraq rəqibini məğlubiyyətə uğrada bilib.

Çinli hakim azərbaycanlı Alekseyevanı Teylordan üstün hesab etsə də, digər 3 hakim hər iki boksçuya 38-38 olmaqla bərabər xal verib. Ancaq Polşa və Finlandiyadan olan hakimlərin qərarı, Teyloru yarımfinal mərhələsinin qalibi edib.

Olimpiya və Dünya çempionu olan xanım idmançı, qərardan əvvəl olduqca gərginlik keçirdiyini bildirərək deyib:

Mübarizə gərgin oldu. Alekseyeva güclü boksçudur. Məğlubiyyət mənə yaxın idi. Üç raunddan sonra gerilədiyimi hiss edirdim. Ancaq küncə gedib bütün qüvvəm ilə yenidən rinqə qayıtmalı və udmalı idim. Rəqibimin qələbəni qeyd etməyə başladığını görəndə, inana bilmədim, sadəcə qərarın dəyişilməsi üçün dua etməyə başladım. Ancaq hər şey geridə qaldı və mən artıq finala doğru addımlayıram.-Keti Teylor

Boks üzrə final mərhələsində boksçu Teylor fransalı Estelle Mosseli ilə görüşəcək. Qeyd edək ki, idmançı Mosseli alman Taşina Buqarla görüşündə qalib gələrək final mərhələsinə yüksələ bilib. O fnalda irlandiyalı döyüşçüyə qalib gələcəyinə inanır:

Məşqçimlə onun döyüşlərini çox analiz etmişik. Nələri öyrəndiyimi sabah görəcəksiniz. Ona qalib gəlmək mümkündür.-Estelle Mosseli

Həmyerli idmançımız Alekseyevanın məğlub olmasına baxmayaraq, bugünkü boks yarışı digər azərbaycanlılar üçün kifayət qədər uğurlu keçib.

Kişilər arasında yüngül çəki dərəcəsində (60 kq) döyüşən azərbaycanlı Albert Səlimov, irlandiyalı idmançı Şin Makkombla görüşündə problem yaşasa da, sonda rəqibini məğlubiyyətə uğrada bilib. Boksçu Səlimov finalda fransalı Sofiyan Oumiha ilə görüşəcək.

Davam edən boks yarışlarında yarım-orta çəki dərəcəsində (69 kq) çıxış etmiş digər həmyerlimiz Parviz Bağırov isə britaniyalı Coş Kellinin üzrərində qalibiyyət əldə edib. Final mərhələsində onun rəqibi, özünü turnirin ən yaxşı boksçularından biri olduğunu dəfələrlə sübut etmiş rusiyalı Aleksandr Besputin olacaq.

Kişilər arasında orta çəki üzrə (75kq) final yarışında Xaybula Musalov irlandiyalı Maykl O'Reyli ilə üz-üzə gələcək.  Xatirladaq ki, həmyerlimiz Musalov macar rəqibi Zoltan Harçsayın üzərində qalib gələrək finala vəsiqə əldə edib. 

Ağır cəki dərəcəsində mübarizə aparan Azərbaycanın digər boksusu Əbdülqadir Abdullayevin rəqibi isə ukraynalı Manukyanla olacaq.

Final mərhələsi üzrə görüşlərin şənbə günü Bakı Kristal Zalında keçirilməsi nəzərdə tutulur.


    • PublishingList: NEWSARTICLE.SUGGESTED.NEWS
    • Id: 54014
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Azərbaycanlı 5 boksçudan 4-ü artıq finaldadır

    Son anda dəyişən qərar Keyti Teyloru finala apardı
    • PublishingList: NEWSARTICLE.SUGGESTED.NEWS
    • Id: 49331
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Fovler: "Mən məhv olmuş vəziyyətdəyəm"

    Azərbaycanlılar boks üzrə qüsursuz oyun nümayiş etdiriblər
    • PublishingList: NEWSARTICLE.SUGGESTED.NEWS
    • Id: 44755
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Boksçu Ndiaye diqqət mərkəzindədir

    İrlandiyalı Nolan əvvəlcədən rəqibi haqqında öyrəndi, sonra qalib gəldi
Canlı