• Id: 38552

Avarçəkmə yarışlarının təşkilatçıları axına görə hərəkət edəcəklər

Avarçəkmə
Avarçəkmə təlimindən
Yarışlar zamanı axan suya nəzarət etmək üçün su-elektrik stansiyasının fəaliyyəti dayandırılacaq

Kür çayının mənzərəli bölməsində baş tutacaq 1 km məsafəyə avarçəkmə yarışlarına hazırlıqlar 18 ay əvvəl başlayıb. Lakin Mingəçevir su bəndində yerləşən su-elektrik stansiyasından Xəzər dənizinə axan suya nəzarət edilməsi yarış təşkilatçıları tərəfindən həll edilməsi zəruri sayılan əsas məsələ olacaq.

"Su bəndini açıb-bağlamaqla su axınının sürətini artırmaq və ya azaltmaq, hətta dayandırmaq olar" - deyə Mingəçevir şəhərində yerləşən və 14 iyun tarixindən başlayaraq üç gün ərzində Bakı 2015 idman tədbirlərini qəbul edəcək Kür İdman və Avarçəkmə Mərkəzinin direktoru Natiq Abbasov bildirib.

Azərbaycan Milli Avarçəkmə Federasiyasının da vitse-prezidenti olan N.Abbasov sözünə belə davam edib:

Yarış üçün, biz müəssisənin məsul şəxsindən elektrik stansiyasını yarış vaxtına uyğun olaraq açıb-bağlamasını xahiş etdik. Beləliklə, onlar suyu saat 04:30-dan 19:00-a qədər bağlayacaqlar.-Natiq Abbasov

İlk baxışdan Kür çayı təkcə su bəndinin arxasındakı su anbarından 300 km şərq istiqamətdə Xəzər dənizinə axmır, həm də bəzən əks istiqamətdə axır.

Lakin görünüş aldadıcı ola bilər. N.Abbasov belə izah edib:

Çay heç vaxt iki istiqamətdə axa bilməz. Bu çay su anbarından Xəzər dənizinə axır. Lakin bəzən külək əks istiqamətdə dalğalar əmələ gətirir.-Natiq Abbasov

Lakin su axını yarış iştirakçılarının rastlaşdığı yeganə problem deyil. Kür çayının çoxsaylı yosunlardan təmizlənməsi peşəkar işidir ki, bu iş Abbasovun "çay üçün otbiçən maşın" kimi təsvir etdiyi alətlə yerinə yetirilir.

"Biz dörd həftədir ki, start xəttindən 200 metr əvvəl və finiş xəttindən 200 metr sonra, Kür çayının bütün eni boyunca yosunları biçirik," - deyə Kür İdman və Avarçəkmə Mərkəzində çalışan mexanik Namiq Sanıyev bildirib.

İsveçdə istehsal edilmiş 150 min AZN dəyərində olan qurğunun istifadə edilməsi üzrə təlim keçməsi üçün İsveçdən mütəxəssis dəvət edilib. Qurğu 1,4 m dərinlikdə və 3 m radiusda yerləşən bütün bitkiləri və hətta qalın qarğıları belə biçir:

Biz biçməni dayandıra bilmərik, xüsusi ilə isti günlərdə bitkilər sürətlə böyüyür və onları dayandırmaq mümkün deyil. Beləliklə biz hər gün işləməliyik. Yağışdan başqa heç nə maşının dayanmasına səbəb ola bilməz.-Namiq Sanıyev


    • PublishingList: NEWSARTICLE.SUGGESTED.NEWS
    • Id: 43860
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Avarçəkmə üzrə Macarıstan dominantlıq edir

    Azərbaycan bu idman növündə ilk medalını qazanıb
    • PublishingList: NEWSARTICLE.SUGGESTED.NEWS
    • Id: 43602
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Kozak Macarıstanı avarçəkmədə qələbəyə aparır

    Danuta Kozak Avropa Oyunlarında üçüncü qızıla da iddialıdır
    • PublishingList: NEWSARTICLE.SUGGESTED.NEWS
    • Id: 42129
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Beş yarışın hamısında qalib çıxan Almaniya

    Avarçəkmə üzrə yarışlarda Almaniya və Macarıstan medalları bölüşürlər
    • PublishingList: NEWSARTICLE.SUGGESTED.NEWS
    • Id: 39428
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Mingəçevirin tarixində ən mühüm hadisə

    Şəhərin yaşı avarçəkmə idman növünün yaşından daha azdır
    • PublishingList: NEWSARTICLE.SUGGESTED.NEWS
    • Id: 38552
    • Area: News (code:800)
    • Section: General (code:8000)
    • Kind: News Article (code:800000)
    • Hide from news list: False

    Avarçəkmə yarışlarının təşkilatçıları axına görə hərəkət ...

    Yarışlar zamanı axan suya nəzarət etmək üçün su-elektrik stansiyasının fəaliyyəti dayandırılacaq
Canlı