• Id: 26212

Karyera - Müraciət Qaydaları

How to Apply
How to Apply
Avropa Oyunlarının bir hissəsinə çevrilmək üçün bir çox şanslar var. Daha əlraflı məlumat üçün ərizə prosesinə keçid alın

İşaxtaran yerli vətəndaşlar

Hazırda mövcud olan vəzifələrlə bağlı axtarış apardıqdan sonra Bakı Avropa Oyunları Əməliyyat Komitəsində (BAOƏK) çalışacağınız işin təmin edilməsi üçün növbəti addım onlayn müraciət formasını doldurmaqdır.

Əgər təşkilatımızda iş axtarmaq və iş üçün müraciət etmək istəsəniz azərbaycanlı işaxtaran (və ya Azərbaycanda işləmək üçün vizası olan) olduğunuz halda yerli namizəd portalına, Azərbaycandan kənarda yaşayırsınızsa xarici namizəd portalına daxil olmağınız xahiş olunur.

Əcnəbi vətəndaşlar üçün işə qəbul prosesi artıq başa çatmışdır.

Saytımızda yalnız cari vakansiyalar yerləşdirilir və uğurlu namizədlər iş elanında göstərilmiş minimum meyarları yerinə yetirməli və üzərlərinə 2015-ci ilin İyun ayının sonuna, Oyunların tamamlanacağı vaxta qədər çalışacaqları öhdəliyini götürməlidirlər.

İşə qəbul prosesi

İşə qəbul prosesimiz aldığımız hər bir müraciətin yararlılığını qiymətləndirmək məqsədilə hər vəzifə üzrə fərdi qaydada hazırlanır. Bir qayda olaraq proses aşağıdakıları əhatə edir:

  • İki-üç müsahibə (üzbəüz, telefon və Skype vasitəsilə aparılan müsahibələr)
  • Xasiyyətnamələrin yoxlanması
  • Bacarıqların/psixometriyanın sınaqdan keçirilməsi
  • İxtisasların/sertifikatların doğruluğunun təsdiq olunması
  • Bioqrafik yaxud anket məlumatlarının təsdiqi

BAOƏK-ın işəqəbul prosesində dörd mərhələ vardır:

1-ci mərhələ: onlayn müraciət

Bakı 2015-də mövcud olan bütün fəal iş imkanları üçün iş vakansiyalarımızda axtarış edin. Azərbaycanlı işaxtaran (və ya Azərbaycanda işləmək üçün vizası olan) olduğunuz halda yerli namizəd portalına, Azərbaycandan kənarda yaşayırsınızsa xarici namizəd portalına daxil olun.

2-ci mərhələ: seçim prosesi

Əgər ilkin seçimdən keçib yekun siyahıya daxil edilmisinizsə işəgötürmə komandamızın üzvləri sizinlə əlaqə saxlayacaq və müsahibələrin keçiriləcəyi vaxt barəsində sizi məlumatlandıracaq. Seçim/qiymətləndirmə prosesindən sonra sahə meneceri və işəgötürmə komandası müzakirə aparıb vəzifəyə ən çox uyğun gələn namizədi müəyyən edəcək.

3-cü mərhələ: seçimdən sonrakı mərhələ

Müsahibə mərhələsi bitdikdən sonra bütün namizədlərə işə qəbul olunub-olunmadıqları barədə zəng olunacaq və ya e-mail göndəriləcək.

4-cü mərhələ: işə qoşularkən müəyyən edilmiş norma və qaydalara riayət olunması

Zəruri razılaşmalar əldə olunduqdan sonra işəgötürmə komandası seçilmiş namizədlə yenidən əlaqə saxlayacaq. İşəgötürmə komandası bütün işəqoşulma prosesinə görə məsuliyyət daşıyır.Bu komanda əmək müqaviləsinin və müvafiq sənədlərin təqdim olunması üçün lazımi tədbirləri görəcək.

Skype vasitəsilə müsahibələr

BAOƏK əvvəlcədən digər öhdəliklərinizin olduğu və ya şəhərdən kənarda olduğunuz halda hər zaman müsahibədə iştirak etməyin mümkün olmadığını nəzərə alır. Bu səbəbdən, biz işin icrası zamanı, namizədlərlə telefon və Skype vasitəsilə müsahibə götürürük. Skype-da hesabın yaradılması və istifadəsi asandır və həm namizədlər, həm də işəgötürənlərimiz üçün münasib metod hesab olunur.

Skype vasitəsilə götürülən müsahibənin texniki tələbləri:

  1. Bizim işəgötürənlər Skype-da səsli zəngdən daha çox video zəngə üstünlük verir, çünki bu, daha çox şəxsi müsahibə effektini təmin edir. Windows üçün Skype-ın son versiyası ən aydın, ən təmiz video zəng və yüksək keyfiyyətli ünsiyyət imkan təklif edir. Həmin versiyanı Skype-ın saytındanpulsuz yükləmək mümkündür.
  2. İkinüvəli prosessor
  3. Saniyədə 512 kilobaytla və ya daha sürətlə İnternetə qoşulma

Maraqların ifadə edilməsi

Əgər dərhal öz bacarıq və istedadınıza uyğun vakansiya tapmırsınızsa karyera ilə bağlı maraqların ifadə edilməsi ilə əlaqədar müraciət forması (yalnız azərbaycanlı işaxtaranlar üçün yararlıdır) təqdim edin. Münasib vəzifə olan kimi sizinlə əlaqə saxlayacağıq.

Bununla belə, sizi saytımızı davamlı olaraq izləməyə və sizi maraqlandıra biləcək yeni vakansiyalar barədə daim məlumatlı olmağa dəvət edirik.

İşə qəbulla bağlı ən çox verilən suallar

Vakant iş yerlərinə dair son məlumatlarınızı necə əldə edə bilərəm?

Bizim vebsaytda vakant iş yerlərinə dair elanlar yerləşdiriləcək. Siz azərbaycan vətəndaşı olaraq iş axtaransınızsa (və/və ya Azərbaycanda işləmək üçün vizanız varsa) bizim yerli namizəd portalı səhifəmizə, əgər Azərbaycandan kənardan gəlmişsinizsə bizim xarici namizəd portalı səhifəmizə daxil olun.

BAOƏK-də işə düzəlmək üçün əvvəlki Oyunlardakı təcrübə vacib şərtdirmi?

Məhdud sayda mütəxəssislərin vəzifələri çoxsaylı idman növü yarışlarında iş təcrübəsini tələb edə bilər. Buna baxmayaraq, vəzifələrin çoxu üçün əvvəlki yarış təcrübəsi tələb kimi yox, dəyər kimi qiymətləndiriləcək.

Seçim prosesi hansi mexanizm üzrə aparılır?

Bizim seçim proseslərimiz ədalətli və qərəzsiz rəftar və bərabər imkanların təqdim edilməsi məqsədi ilə planlaşdırılıb və təşkil edilib. Seçim müsahibələri seçimlə bağlı qərarların namizədin biliyinin, bacarıqlarının və konkret vəzifəyə münasibətinin vəzifədən irəli gələn kriterityaya uyğunluğunu təmin etmək üçün hazırlıq səviyyələrinə əsasən aparılır.

İş daimidirmi, əgər daimi deyilsə, o zaman müqavilənin müddəti nə vaxt bitir?

Bizim vəzifələrimizin çoxunun tam müddəti 2015-ci il iyunun 30-na kimidir. Buna baxmayaraq, bir sıra vəzifələrin müddəti həmin tarixdən daha tez və ya gec qurtara bilər. İşəgötürmə komandası müsahibə zamanı sizə bu barədə əlavə məlumat verəcək.

Müvəqqəti müqavilələr hansı müddət üçün nəzərdə tutulur?

Bu sizin hansı vəzifə üçün ərizə verdiyinizdən asılı olacaq, belə ki, vəzifələrin çoxu qabaqcadan müəyyən edilmiş Oyunlar zamanı vəzifələrdən ibarət olacaq və az bir qismi isə şirkətin bağlanması mərhələsinə qədər davam edə bilər. Əgər siz son siyahıya salınmışsınızsa kadrlar şöbəsinin mütəxəssisi sizə əlavə məlumat verəcək.

BAOƏK-ın iş yerləri harada yerləşir?

İş yerlərimizin çoxu Bakıda bizim baş ofisimizdə yerləşir. Təşkilatımızın planlaşdırma mərhələsindən əməliyyat mərhələlərinə irəlilədikcə sizdən də iş yerinizin Bakı şəhəri daxilində bir-neçə dəfə dəyişdirilməsi tələb oluna bilər.

Mən ərizəni təqdim etdikdən sonra ərizəmlə bağlı hansı prosedurlar aparılır?

Siz ərizənizin alındığını təsdiq edən məlumat alacaqsınız. Əgər sizin ərizəniz bizim ilkin şərtlərimizə uyğundursa, o zaman növbəti mərhələləri müzakirə etmək üçün sizinlə e-mail və ya telefon vasitəsi ilə əlaqə saxlanılacaq.

Yekun siyahıya düşüb-düşmədiyimi bilmək üçün nə qədər gözləməli olacağam?

Adətən biz bu barədə 14 gün ərzində xəbər veririk. Əgər siz internet vasitəsi ilə ərizə vermisinizsə, o zaman ərizənizlə bağlı irəliləyişi öz internet səhifənizdə izləyə bilərsiniz.

Sahə menecerim mənimlə birbaşa müsahibə aparacaqmı?

Sizinlə işəgötürən menecer müsahibə aparacaq. Ərizə verdiyiniz vəzifədən asılı olaraq, bu sizin birbaşa sahə meneceriniz olmaya bilər.

Əgər müsahibədən uğurla keçsəm bu haqda necə malumat əldə edə bilərəm?

Müsahibədən uğurla keçib-keçmədiyiniz barədə işəgötürmə komandamız tərəfindən sizə telefonla məlumat veriləcək. Əgər müsahibədən keçmisinizsə, işə götürülməzdən əvvəl tamamlanması vacib olan yoxlamalardan keçəcəyinizi təsdiq edən e-mail, əgər müsahibə uğursuz olubsa, bunu təsdiq edən e-mail alacaqsınız.

Əgər iş üçün uyğun namizəd olmadığım barədə e-mail almışamsa, mənim namizədliyim yenidən nəzərdən keçirilə bilərmi?

İnternet vasitəsi ilə ərizə prosesinin bir hissəsi olaraq sizin minimum tələblərə və ya iş təlimatında təsvir edilmiş əsas meyarlara müvafiq olub-olmadığınızı müəyyənləşdirmək üçün suallara cavab verməli olacaqsınız. Konkret iş üçün minimum tələblərə cavab vermədiyiniz təqdirdə siz həmin vakansiya üçün nəzərdə tutulmayacaqsınız. Buna baxmayaraq, biz təklif edirik ki, siz sənətinizə uyğun olan iş yerlərini nəzərdən keçirəsiniz və işlə bağlı təsvir edilmiş tələblər bilik və bacarığınıza və maraqlarınıza uyğun olan halda həmin iş üçün müraciət edəsiniz.

Şirkətə işəgötürülmək üçün sınaq müddəti nə qədərdir?

Bütün vəzifələr üçün sınaq müddəti işə götürülən tarixdən etibarən üç aydır.

İş saatları hansılardır?

Azərbaycanda standart iş saatları səhər saat 9-dan axşam saat 6-ya kimidir. Lakin bu layihənin tələbi işçinin tutduğu vəzifəsindən asılı olmayaraq komandanın üzvü olmasına nail olmaqdır, bunun üçün isə Oyunlara yaxınlaşdıqca və Oyunlar zamanı gərgin vəziyyətlərdə hər bir işçidən uzun iş günü, axşamlar və həftəsonu işləmək tələb olunacaq. Oyunlar zamanı məsuliyyət (və həyəcan) artır və biz işin tələblərini təmin etmək üçün növbəli komandalarda işləyəcəyik. Bizim əsas vəzifəmiz Oyunların işçi qüvvəsi, diplomatlar, tamaşaçılar, mətbuat nümayəndələri, idmançılar də daxil olmaqla ümumilikdə Oyunlar Ailəsi üçün Bakı 2015-in yüksək səviyyəli idman tədbiri olmasını təmin etməkdir.

Sizin funksional meneceriniz iş saatları ərzində işin təfərrüatları və Oyunların ərəfəsində hansı dəyişikliklər ola biləcəyi barədə əlavə məlumatlar verəcək.

İlk dəfə ofisə gələndə məni nə gözləyir?

İlk dəfə işə gəldikdə hər hansı sənədlərin hazırlanması, işçi kodunuzun identifikasiya kartının verilməsi və əsas tanışlığın təmin edilməsi üçün sizi BAOƏK-ın qəbul otağında “adaptasiya komandası” qarşılayacaq. İşə götürüldükdən sonra üç gün ərzində adaptasiya sessiyasında iştirak etməniz tələb olunacaq.

“İşə adaptasiya” nə deməkdir?

“İşə adaptasiya” sizi BAOƏK  ilə, yeni iş mühitinizlə və təşkilat daxilində əsas əlaqə saxlamalı olacağınız şəxslərlə tanışlıq və eləcə də, sizi yeni əhatə dairənizdə istiqamətləndirməkdən ibarətdir.

İşə qəbulda fırıldaqçılıq

Bu növ fırıldaqlar guya BAOƏK-dən göndərildiyi iddia edilən yalançı vebsaytlar kimi internet xidmətləri vasitəsi ilə göndərilən və ya özbaşına göndərilmiş elektron məktublar, zənglər və ya mətnli mesajlar ola bilər. Bu şəxslər və təşkilatlar iş üçün ərizənin nəzərdən keçirilməsi üçün şəxsi informasiya və ya pul tələb edə bilərlər.

Fırıldağın tanınması üçün bir-neçə çevik yol var:

  1. Elektron məktub Yahoo, Gmail, Hotmail və ya Live.com kimi internet-texnologiyaları istifadəçiləri olan elektron abonementlərindən gəlir.
  2. İşəgötürmə təklifindən əvvəl güman edilən işçilər hər zaman BAOƏK heyəti ilə müsahibəyə dəvət edilir.
  3. Müsahibə prosesinin heç bir mərhələsində müsahibəyə dəvət olunmuş şəxsdən PUL tələb olunmur və bizim tərəfimizdən də immiqrasiya sənədləri, sığorta və ya hər hansı başqa məqsədlər üçün pul tələb olunmur.
  4. Biz heç bir zaman sizin üçün təcili qərar qəbul etmək vəziyyəti yaratmayacağıq.
  5. Müsahibə prosesində biz şəxsi məlumat və bank hesabına dair məlumat tələb etməyəcəyik. Belə məlumat yalnız sizin BAOƏK-də vəzifə tutduğunuzdan sonra tələb oluna bilər.

Hər hansı şübhəli zəng və ya elektron məktub aldığınız təqdirdə bilməlisiniz ki, bu şəxslər və ya təşkilatlar həqiqi təkliflər və ya xidmətlər təmin etmir və onlara ünsiyyətdən uzaq durmağa çalışın.


    • PublishingList: NEWSARTICLE.SUGGESTED.NEWS
    • Id: 29227
    • Area: Join us (code:100022)
    • Section: General (code:10000022)
    • Kind: News Article (code:800000)
    • Hide from news list: True

    Prezidentlər Sizləri Salamlayırlar

    "Oyunlar ən yüksək səviyyədə keçiriləcək. Beləliklə Bakı, birinci Avropa Oyunlarına ev sahibliyi…
    • PublishingList: NEWSARTICLE.SUGGESTED.NEWS
    • Id: 26209
    • Area: Join us (code:100022)
    • Section: General (code:10000022)
    • Kind: News Article (code:800000)
    • Hide from news list: True

    Bizə qoşulun

    Bizə Avropa Oyunları ilə bağlı arzumuzu gerçəkliyə çevirmək kimi misilsiz imkan verilib
    • PublishingList: NEWSARTICLE.SUGGESTED.NEWS
    • Id: 26219
    • Area: Join us (code:100022)
    • Section: General (code:10000022)
    • Kind: News Article (code:800000)
    • Hide from news list: True

    BAOƏK Haqqında

    İlk Avropa Oyunlarının Əməliyyat Komitəsi kimi BAOƏK Oyunların yüksək standartlara uyğun şəkildə…
    • PublishingList: NEWSARTICLE.SUGGESTED.NEWS
    • Id: 26215
    • Area: Join us (code:100022)
    • Section: General (code:10000022)
    • Kind: News Article (code:800000)
    • Hide from news list: True

    Alov Qoruyan - Seçim Meyarları

    Bakı 2015 Avropa Oyunlarının könüllüsü olmaq istəyirsinizsə, Alov Qoruyan olmaq üçün nələr lazım…
    • PublishingList: NEWSARTICLE.SUGGESTED.NEWS
    • Id: 26216
    • Area: Join us (code:100022)
    • Section: General (code:10000022)
    • Kind: News Article (code:800000)
    • Hide from news list: True

    Alov Qoruyan - Fəaliyyət Yolu

    Sizin Alov Qoruyan fəaliyyət yolunuz Oyunlara qədər bir sıra mərhələlərdən ibarətdir. Bu barədə daha…
    • PublishingList: NEWSARTICLE.SUGGESTED.NEWS
    • Id: 26217
    • Area: Join us (code:100022)
    • Section: General (code:10000022)
    • Kind: News Article (code:800000)
    • Hide from news list: True

    Alov Qoruyan - Əlaqə Məlumatları

    Alov Qoruyan olmaq haqqında suallarınız var? Bizimlə əlaqə üçün aşağıdakı keçidə daxil olun
    • PublishingList: NEWSARTICLE.SUGGESTED.NEWS
    • Id: 26218
    • Area: Join us (code:100022)
    • Section: General (code:10000022)
    • Kind: News Article (code:800000)
    • Hide from news list: True

    Vizyon və Missiya

    Təşkilat Komitəsinin missiyası: bütün Avropalıları ilk Avropa Oyunlarında, coşqun idman bayramında…
Canlı